Adalpern übergibt dem Kloster S. Felix und Regula im castrum Zürich einen Hof in Brimensdorf unter gewissen Bedingungen
Datierung: 876 12 07
Ausstellungsort: Zürich
In dei nomine unicuique perpetrandum est, quod sapientia dei per Salomonem dicit: redemcio anime viri probrie divicie eius Ideo itaque ego Adalpern ita ammonitus pro remedio animae meae parentumque meorum necnon et pro anima Wolfpoti nepotis mei trado ad monasterium, quod constructum est in castro Turego in honore sanctorum martyrum Felicis et Regule, ubi domna Berehta una cum advocato suo Willehario et preposito suo Weringozo preesse videtur, curtim unam ad Prirpoumesdorf in pago Zurihgounesse cum casa ceterisque edificiis et cum omnibus appenditiis et in ipsa villa hobas IIII et quartam partem territorii ad ipsam viallem pertinentem, necnon et dimidium ipsum agrum, qui proximus est domui et iuxta ipsam curtim iacet, et hoc, ut prefatus sum, cum omni integritate trado ad ipsum locum, id est domibus, terris, pratis, silvis, pascuis, aquis aquarumque decursibus, egressibus et ingressibus, cultis et incultis in ea videlicet ractione, ut prefatas res Thiotsind coniux mea cum omni integritate omnibus diebus vite sue habeat censumque de ista tradicione et de aliis, quas ad ipsum locum trado, singulis annis persolvat, hoc est II denarios. Post obitum verso eius Engilgart filia mea et filii eius seu posteritas eius easdem res redimere voluerint, tunc redimant cum X solidis perpetualiter possidendum, et in eandem redemcionem dent monialibus ibi deo servientibus ad suplementum illorum. Si autem evenerit, ut Engilgart sine heredibus obierit, tunc legitimi heredes eius ipsas res habeant in eodem censum et in eadem redemcionem Si quis vero hanc tradicionem violare aut eam infrangere voluerit equali rem emendet, sicut hec tradicio continet, et in re publica auri untias III et argenti V pondera exsolvat Actum in Turego sub presentia, quorum signacula hic continentur Sign. Ego Adalpern, qui hanc tradicionem perpetravi. Sign. Otto, Reginpert, Theotelo, Kisalpert, Ratpert, Kerwie, Wicloz, Pero, Otker, Undolf, Adalpert. Ego itaque Liubolf indignus bresbyter scripsi et supscripsi notavi diem, id est VI. feria et VII. id. Dec Regnante Karlo anno I. sup comite Rudolvo