Dum omnibus uicinis suis non habetur incognitum, qualiter Helmbaldus, filius Heribaldi, tradidit ad reliquias sancti saluatoris et in manus Liudgeri abbatis in elimosinam suam conprehensionem illam quam ipse Helmbaldus in propria hereditate et in communione proximorum suorum proprio labore et adiutorio amicorum suorum legibus conprehendit et stirpauit, id est in loco qui dicitur UUidapa, in uilla Salehem; et postea postulauit ut dimidiam ipsam conprehensionem in benefitium accipere deberet diebus uite sue et filii sui sub usufructifero, id est demedio solido per singulos annos ad pasca domini ad supradictas reliquias que in eodem loco ponende sunt ad lumina conparanda. Ita et feci ego modicus abba Liudgerus. Prestiti ei dimediam conprehensionem illam in ea ratione, ut diebus uite sue et filii suia meliorati fiant res ipse, que ad eandem conprehensionem respitiunt; absque ulla distractione et contradictione post obitum ipsorum ad supradictas reliquias res ipse inmeliorate reuertantur et in usum seruorum dei, qui easdem reliquias procurare deo largiente et custodire merentur in posterum [subiciantur].
Acta est autem hec prestaria puplice in loco ipso qui dicitur UUidapa, sub die VIII idus maias, anno tricesimo tertio gloriosi regis Carli. Ego Liudgerus abba subscripsi. Signum Gerusalem presbiteri. Signum Hardgeri clerici. Signum UUlgeri clerici. Signum Guntberti clerici. Signum Bocco clerici. Signum Gerfrid clerici. Ego UUambertus clericus subscripsi.