Ardouin, archevêque de Tours, concède a Évrard un arpent de terre situé in
villa Reniaco, près du Cher.
Datierung: 976
XP. [In nom]ine summi Salvatoris Dei, Arduinus, misericordia Dei sanctae Turonicae sedis archiepiscopus, notum immo et percognitum esse volumus cunctis fidelibus sanctae Dei ecclesiae, presentibus scilicet ac futuris, precipueque successoribus nostris, quoniam deprecatus est nos quidam fidelis noster atque archiclavis nostrae matris ecclesiae, nomine Uddo, uti ex rebus prefati thesauri, quam ipse per nostrae largitionis donum tenere videtur, hoc est arpennem I de terra arabili cuidam homini, nomine Ebrardo, sub institutione census annuatim reddendum, per hujus nostrae auctoritatis testamentum concederemus. Cujus deprecationem benigne recipientes, concessimus jam dicto Ebrardo prefixum arpen. de terra arabili, situm in pago Turonico, in villa Reniaco, non longe a fluvio Caris. Terminatur ex totis partibus terra ejusdem potestatis cum via publica. Eo etiam modo concedimus ei ut habeat licentiam desuper aedificandi, plantandi, construendi et quicquid melius elegerint emeliorandi, solvens exinde, annis singulis, ad festivitatem sancti Stephani, quae celebratur VII kal. januarii, Uddoni fideli nostro, sive successoribus suis, censum denar. IIII; et ei amplius non requiratur aut exigatur, sed sub tali censu libere ac quiete teneat et possideat, nemine inquietante atque contradicente. Et si de eodem censu tardus aut neglegens repertus fuerit, idipsum emendat et quod tenuerit non ideo amitat. Si autem ei voluntas aut necessitas extiterit, tam in vita quam ad mortem, habeat licentiam aut vendere, aut ad duos ex propinquioribus parentibus vel amicis, quam melius elegerit, sepe didam terram cum omni emelioratione, sub prescripto censu, relinquere. Ut autem haec auctoritas firmior sit firmiorque permaneat, manu propria eam subterfirmavimus, manibusque fidelium nostrorum adfirmare rogavimus.
XP. Arduinus miseratione Dei archiepiscopus huic manuifirme subscripsit.
XP. Uddo archiclavis qui hanc manumfirmam firmam fieri deprecavit et ipse subscripsit.
XP. Rotgerius decanus subscripsit. XP. Froterius archidiaconus subscripsit. XP. Rotbertus subdiaconus subscripsit. XP. Boso archidiaconus subscripsit. (Paraphe initial.) Dodaldus diaconus atque precentor subscripsit. Ermenfridus presbyter subscripsit...... presbyter subscripsit. Christianus presbyter subscripsit. Dodaldus presbyter subscripsit. Viviamus presbyter subscripsit. Seglenus presbyter subscripsit. Ascelinus clericus subscripsit. Aimericus clericus subscripsit. Gyrardus diaconus subscripsit. Rotbertus clericus subscripsit. Item Rotbertus diaconus subscripsit. Aganus diaconus subscripsit. Martinus diaconus subscripsit. Gunbertus diaconus subscripsit. Gualterius diaconus subscripsit. Guarnerius presbyter subscripsit. Rancherius diaconus subscripsit. Odilo clericus subscripsit. Guanincus clericus subscripsit. Guido clericus. Leotardus clericus subscripsit. Fredricus clericus subscripsit.
Data mense julio, in civitate Turonus, anno dominicae incarnationis DCCCC LXXVI, sive anno XXI regnante Lothario rege.
XP. Durannus licet indignus sacerdos presens fui et rogitus ab Ingelberto antigrapho scripsi et subscripsi.