Donation a Saint-Julien par Sigefroid, évêque du Mans, d’une villa appelée
Vallis-Boana, in vicaria Vedacense.
Datierung: 971 02
XP. In nomine summi Salvatoris Dei, nos quidem Sigefredus, Cinnomannicae urbis et ecclesiae sanctissima Dei genitricis et virginis Mariae ac beatorum martirum Gervasii et Protasii gratia Dei episcopus, notum fore cupimus, omnibus successoribus nostris, hujus scilicet nostrae sedis episcopis, atque omnibus fidelibus, quoniam deprecatus est nos quidam nostri gregis laevita valde venerabilis et archiclavis, Odo scilicet nomine, ut quibusdam fratribus nostris et pretiosissimi martiris Juliani monachis, in monasterio ejusdem degentibus, quod est constructum a domno Teotolone, [Turonic]ae civitatis archiepiscopo, inter menia beatissimi Christi confessoris Martini et eandem civitatem, villam unam nuncupantem Valle Boanum, pertinentem ad thesaurum nostre matris ecclesiae cui, Deo auctore presidemus, cum omnibus rebus ad ipsam scilicet villam pertinentibus, concederemus. Cujus peticionem, cum consensu nostrorum canonicorum, et ortatu senioris nostri Hugonis, premissae scilicet civitatis nominatissimi comitis, ac filiorum ejusdem, videlicet Hugonis et Fulchonis, libentissime suscipientes, concessimus eis prefixam villam in Cinnomannico pago sitam, super rivulum nuncupantem Dimidiam, in vicaria Vedacense, cum omnibus suis appenditiis, silvis scilicet, pratis, aquis, aquarumve decursibus, terris cunctis, cultis et incultis, in quibuscumque adjaceant vel terminentur locis, sive ubi ubi exquiri potuerint, vel reclamari. Inter haec omnia specialiter denominamus illud territorium quod vocatur ad Culturam Sancti Gervasii, ut nullum lateat ad predictam villam proprie pertinere. Tali quidem ratione haec omnia ipsis praeclari martiris Juliani servientibus tradimus, at habeant licentiam quicquid ibi melius voluerint operandi, simili scilicet modo ut habent in cetera terra Sancti Juliani quam possident. Solvant tamen exinde annis singulis, ad missam scilicet sanctorum martirum Gervasii et Protasii, que colitur idus decenbris, censum sol. III, et eis amplius nil requiratur; sed, si ex ipso censu neglegentes extiterint, id ipsum eis emendare liceat et que tenuerint non ideo perdant. Ut autem haec auctoritas omni tempore inconvulsa permaneat [manibus] propriis eam firmavimus et confratribus nostris subscribere rogavimus, atque seniori nostro, domno scilicet Hugoni et filiis ejus, necnon principibus fidelium ipsorum, sub signo sanctae crucis corroborare precati sumus.
XP. Sigefredus episcopus firmavit. Signum domni Hugonis comitis. Signum Hugonis et Fulchonis filiorum ejus.
Odo diaconus et archiclavis firmavit.
Ysaac levita subscripsit. Guillelmus diaconus subscripsit.
Simeon sacerdos subscripsit. Anseisus presbyter subscripsit.
Bernardus diaconus et cancellarius subscripsit.
Tetgrimus presbyter subscripsit. Albericus diaconus subscripsit.
Odo levita subscripsit. Bernerus diaconus subscripsit.
Stephanus sacerdos subscripsit. Guarnerius levita subscripsit.
Hubaldus sacerdos subscripsit. Guarnerius presbyter subscripsit.
Hubertus subdiaconus subscripsit. Odelinus puer et subdiaconus subscripsit. Suthardus puer et subdiaconus subscripsit.
Mainardus subdiaconus subscripsit. Guazmarus puer et subdiaconus subscripsit.
Signum Rodulfi vicecomitis. Signum Ivonis. Signum Gauzfredi manselli. Signum Rothrici. Signum Arduini. Signum Guiterni. Signum Audradi. Signum Guarnerii. Signum Mainardi. Signum Hugonis. Signum Adalgerii.
Ego frater Rotbertus, monachus ejusdem congregationis, jussu Sigefredi episcopi et Odonis thesaurarii, necnon Bernardi cancella[rii], ac pene omnium canonicorum, sive ortatu domni Hugonis comitis, scripsi et subscripsi atque firmavi.
[Data est] haec manusfirma in Cinnomannica civitate, in mense februario, anno jam in XVII Lotharii.