Téotolon ratifie la donation faite a Saint-Julien, par un diacre de
Saint-Martin, nommé Ardouin, de trois arpents et un quartier de
vignes.
Datierung: 942 02
XP. In nomine summi salvatoris Dei. Teotolo, sanctae Tur[onicae sedis humi]lis archiepiscopus, notum immo et percognitum esse volumus [cunctis fidelibus sancte Dei] ecclesiae, presentibus scilicet ac futuris, precipueque successoribus nostris, quoniam accessit ad nostram paternitatem quidam Sancti Martini basilicae pernobilis diaconus nomine Arduinus, humiliter expetens uti arpen. III de vinea quos ipse complantaverat, necnon et quarterium I ex potestate Sancti Vincentii pertinentes, quos etiam a predecessore nostro domno Rotberto archiepiscopo, olim per manusfirmae auctoritatem impetraverat, eosdemque ex terra arabili ad vineae opus redigerat, Deo sanctoque martiri ejus Juliano et omnium sanctorum ipsius, ad supplementum monachorum ibidem Domino jugiter famulancium, pro remedio animae nostrae et successorum nostrum ac suae ubi jam ipse de canonico abitu ad monasticum ordinem se transferre obtabat, et ob id sub institutione census annuatim reddendum prefixos arpennes de vinea jam dicto loco deprecatus est ut eos concedere atque condonare dignaremur. Cujus humillimam deprecationem una cum assensu et voluntate utrorumque fidelium nostorum, clericorum scilicet et laicorum, concessimus jam dictos arpen. III de vinea et quarterium I ad prescriptum Sancti Juliani locum, in victualibus stipendiis monachorum, sitos in suburbio Turonicae urbis. Terminantur de una parte vinea ex potestate Sancti Martini basilicae, et de alia parte vineis ex jam dicta Sancti Vincentii potestate, quas tenent Beringerius presbiter et Arpuinus laicus, et de tercia et quarta parte viis publicis. Eo etiam modo concedimus jam dictam vineam ad prefixum Sancti Juliani monasterium, in spetiales usus monachorum, ut habeant licentiam de super quodcumque melius elegerint emeliorandi, et annualim partibus rectorum Sancti Vincentii, ad missam ipsius que celebratur XI kal. februarii, ipsi monachi pro ipsa reddere studeant censum denariorum XII et sic quiete eam teneant et possideant. Si autem de instituto censu neglegentes reperti fuerint, id ipsum emendare studeant et quod tenuerint non ideo amittant. Precamur interea successorum nostrorum clementiam ut sicuti sua statuta que pro amore Dei omnipotentis gesserint post obitum carnis voluerint inconcussa servari, ita haec nostrae parvitatis gesta sinant manere intacta et inviolata. Ut autem haec auctoritas firmior sit, firmiorque permaneat, manu propria eam supter firmavimus, manibusque fidelium nostrorum adfirmare rogavimus.
XP. Θηωθωλω, miseratione omnipotentis Dei Turonorum humilis archiepiscopus.
XP. Badilo, decanus atque archiclavis, sive abbas, subscripsit.
XP. Ωθδηρθους
XP. Rotbertus archidiaconus subscripsit. Parafe initial. Otgerius, diaconus atque precentor subscripsit. G...
XP. Item Rotbertus archidiaconus subscripsit. Parafe initial. Gauzbertus presbyter subscripsit. Arnulfus... Girardus presbyter subscripsit. Mainardus presbyter subscripsit. Ricbertus presbyter subscripsit. Godulbe[rtus]... Adalulfus diaconus subscripsit. [Mar]tinus diaconus subscripsit. Giraldus diaconus subscripsit. Arman[nus].... Archerius diaconus subscripsit. .....ernus acolythus subscripsit. Ebruinus diaconus subscripsit. Rotgeri[us]... Bernardus, diaconus... [H]ermenfridus diaconus subscripsit. Acflidus clericus subscripsit. Hucbaldus... Gunbertus clericus [subscripsit. Joh]annes clericus subscripsit. Dodaldus presbyter subscripsit. Raino clericus [subscripsit]. Signum Adalelmi. [Signum...]ni. Signum Andraldi. Signum Rotberti. Signum Adalberti. [Signum] Gualterii. [Signum G]unberti. Signum Guarini.
Data mense [februario, in] civitate [Turonus], anno incarnationis Dominicae DCCCCXLII [sive a]nno V r[egnante] Hludovico rege.
Ego Ingelbertus [licet indignus] sacerdos, [presens fui] et rogitus scripsi et subscripsi..