Bernolt überträgt seinen gekauften und erhaltenen Besitz zu Eppilinwilare, mit Ausnahme eines Jucharts Ackerland und eines Jucharts Wiesland, an Sanct Gallen.
Datierung: 908 02 05
Ausstellungsort: Gossau
In Dei nomine Ego Bernolt trado ad monasterium sancti Galli, ubi venerabilis Salomon episcopus et abba praeesse videtur, quicquid in Eppilinwilare vel ipse com- paravi vel a socero meo Wurmhario in proprietatem accepi, excepto I iucho de terra arativa et altero de pratis; ea videlicet ratione, ut ego dum vivam ipsas res possideam et pro censu duos pullos gallinatios singulis annis inde persolvam. Et si uxori meae Engilsindae, quam a rectoribus monasterii in compensationem praesentis traditionis inpetravi, servilis exactio diebus vitae meae relaxetur, tunc ipsa coniunx mea ipsam traditionem, si mihi superstes fiat, tempore vitae suae possideat et pro censu I maldrum de avena annis singulis inde persolvat; si vero, dum ego vixero, eadem mulier servile opus agere compellatur, ego potestatem habeam de hereditate mea sine ullius obstaculo personae; at vero si praedictae coniugi meae eo modo, ut praedictum est, securitas concedatur, post obitum nostrum eaedem res ad monasterium pertineant perpetualiter possidendae Si quis vero, quod absit, hanc traditionem violare voluerit ad erarium regis auri uncias III et argenti pondera V coactus persolvat et haec traditio firma stabilisque permaneat stipulatione subnixa Actum in Cozesouva publice, praesentibus istis, quorum hic signa subnotantur Signum ipsius Pernolti, qui hanc traditionem fecit et manu sua firmavit. Signa et aliorum testium ibidem praesentium. Isanbret. Puoso. Thiotpret. Isanhart. Waldram. Engilbold. Patacho. item Thiotpret. Puato. Walthram. Ego Winidhere indignus monachus et subdiaconus ad vicem Engilberti decani scripsi et subscripsi Notavi VI fer., non. febr annum Hludowici regis VIII, sub Adalberto comite.