Cunzo überträgt seinen Besitz zu Tettnang und Haslach, mit Ausnahme dreier Hufen und einer Hofstatt, an das Kloster Sanct Gallen.
Datierung: 882 06
Ausstellungsort: Wasserburg
In Christi nomine Hartmotus abbas coenobii sancti Galli. Conplacuit nobis una cum consensu fratrum et advocati nostri Hildibrandi ut res, quas nobis tradidit Cunzo, ei iterum per hanc precariam represtaremus Tradidit nanique nobis memoratus vir quicquid propriaetatis in Argangauge, videlicet in Tetinanc et in Hasalacha hodierna die visus est possidere, tam in domibus, quam in ceteris aedificiis, campis, pratis, pascuis, silvis, viis, aquis aquarumque decursibus, cultis et incultis, mobilibus et inmobilibus, omnia videlicet ex integro tradidit ad praedictum coenobium sancti Galli, exceptis duabus hobis in Tetinanc sitis, quas ad Lintouam tradidit, et excepta una hoba, quam Hiltipret possidet; sed et hoc memorato, quod curtile unum et quandam partem territorii sui quibusdam feminis quondam sui iuris, modo ab illo libertate donatis concessit, quarum ista sunt nomina: Lantrud, Etta, Ruaddrud; ita tamen, ut post obitum praedictarum feminarum ipsae res in ius praefati caenobii redeant in aevum possidendae; ea scilicet pactione, ut ipse Cunzo easdem res ad se recipiatet annis singulis censum inde persolvat, id est I denarium. Et si redimere voluerit, cum uno solido redimat ad Vazzarburc. Quod si ipse non redemerit et coniunx sua Hildiburc illi superstes fuerit, tunc ipsa praefatas res in eodem censu possideat tempus vitae suae redemptione illi earumdem rerum penitus denegata; post obitum vero praedictae coniugis suae nepos eius videlicet filius filii sui, nomine Cunzo, prefatas res teneat in praedicto censu, usque dum ad virilem aetatem pervenerit. Et si ad virilem aetatem pervenerit et ei Deo concedente legitimus heres procreatus fuerit, tunc demum easdem res licentiam habeat redimendi cum XXX solidis ad Vazzarburc; non tamen ante easdem res redimat, quam ei legitimus heres provenerit. Similiter et legitimus heres eius praedictas res in praedicto censu et in praedicta redemptione possideat, si antea redemptae non fuerint. Si autem supra nominatus Cunzo sine legitimo herede obierit et aut ipse, aut legitimus heres eius prefatas res non redemerint, tunc absque ullius contradictione ipsae res in ius praedicti coenobii redeant in aevum possidendae Actum in Vazzarburc publice, praesentibus quorum hic nomina subponuntur Signum Hartmoti abbatis et advocati sui Hildibrandi, qui hanc precariam perpetraverunt. sig. Folchardi decani. sig. Cotaberti praepositi. sig, Werimberti editui. sig. Thiotharti portarii. sig. Ruodini hospitarii. sig. Kerberti cellararii. sig. Otwini camerarii. Signa et aliorum testium. † Chunibret. † Wolfpret. Frumiger. Liutpret. Hiltine. Truogo. Asprant. Wichere. Keberoh. Ego itaque Purgolf monachus et subdiaconus cum iussione domini mei abbatis scripsi et subscripsi Notavi mensem iunium, diem lunae annum secundum domni Karoli imperatoris augusti, Uodalricum comitem.