Die Brüder Meginbert, Fridibert, Waldbert und Ratfrid vertauschen an Abt Hartmot ihren Besitz zu Mitten gegen ebensoviel Klosterbesitz zu Wangen.
Datierung: 874 06
Ausstellungsort: Wasserburg
Complacuit itaque nobis fratribus Meginberto, Fridiberto, Waldberto, Ratfrido, propter commoditatem nostram quoddam concambium facere cum Hartmodo abbate et advocato suo Hildibranto, quod ita et fecimus Tradidimus namque illis quicquid proprietatis in Mittun et in ipsa marcha habuimus, id est domibus ceterisque aedificiis, campis, pratis, pascuis, silvis, viis, aquis aquarumque decursibus, cultis et incultis, mobilibus et inmobilibus et quicquid dici vel nominari potest ita tamen, ut nos ab illis acciperemus in Wangun equalis mensurae portionem, tam domibus, quam ceteris edificiis, campis, pratis, pascuis, silvis, viis, aquis aquarumque decursibus, cultis et incultis, mobilibus et immobilibus ea videlicet ratione, ut easdem res, quas nos a rectoribus praefati monasterii concambiavimus, statim ad nos reciperemus, et ut proprias res potestative possideremus. Similiter et ipsae res, quas a nobis rectores praedicti monasterii concambiaverunt, ad ius monasterii statim redirent ex integro in evum possidendae; salva tamen ratione illa, ut censum, quem persolvimus actenus de rebus, quas in Mittun habuimus, persolvamus et modo de rebus, quas in Wangun percepimus. Quod totum ex utraque parte firmiter factum esse nulli dubium sit Actum in loco, qui dicitur Wazzarburc, praesentibus quorum hic signa notantur Signum Meginberti, Fridiberti, Waldberti, Ratfridi, qui hanc kartam concambii fieri rogaverunt. † Chunibret. † Sigibret. † Engilbold. † Folchrat. † Wolfpret. † Liutpret. † Reginger. † Wolvine. item † Reginger. † Helidpret. † Frumiger. † Folcholt. Ego itaque Purgolf indignus monachus ad vicem Cotaberti praepositi scripsi et subscripsi Notavi mensum iun annum XXXV domni Hludowici regis piissimi, sub Uodalricho comite.