Plionunc schenkt seinen Besitz in der Scheer zu Beuron, Buchheim und Friedingen, mit Ausnahme seines Antheils an der Kirche daselbst, an Sanct Gallen und erhält dagegen die Kirche zu Merzhausen, zwei Huben daselbst und eine zu Niederhausen gegen Zins.
Datierung: 861 06 24
Ausstellungsort: Kloster St. Gallen
Ego itaque in Dei nomine Plionunc tractans et recogitans de remedio animae meae et aeterna retributione una cum manu advocati mei Herigeri trado atque transfundo ad monasterium sancti Galli, ubi venerabilis abba Grimaldus preesse videtur, quicquid proprietatis hodierna die habere visus sum in Scherrun in locis infra nominatis, id est in Purron, cum quarta parte eiusdem ecclesiae, et in Puachheim et in Fridingun, excepta parte ipsius ecclesiae ea videlicet ratione, ut ipsae res, quas ego potestative ad ipsum monasterium contradidi, statim in presenti ad ipsum monasterium redeant possidendae et ego econtra a rectoribus ipsius monasterii illam ecclesiam in Merishusun et in eadem villa duas hobas et tertiam in Niderhusun accipiam tempore vitae meae ad possidendum, illam vero hobam in Niuricheshusun mei iuris ad me habeam Et si aliquando mihi placuerit in monasterio monachicam vitam ducere secundum constitutionem sanctae regulae, id mihi perficere liceat, territorium vero ab eis mihi prestitum in Niuricheshusun ad me recipiam tempore vitae meae. Post meum vero obitum omnia ex integro ad monasterium redeant perpetualiter possidenda Si quis vero, quod fieri non credo, si ego ipse aut ulla opposita persona contra hanc traditionem venire vel irrumpere temptaverit ad aerarium regis auri untias III et argenti pondera V coactus persolvat et effectum suae perversae machinationis non obtineat haecque cartula nihilominus firma et stabilis permaneat cum stipulatione subnixa Actum in ipso monasterio publice, presentibus istis, quorum hic nomina subnotantur Signum Plionunc et advocati ipsius Herigeri, qui hanc traditionem fecerunt. † Hagano. item Hagano. † Werimbert. † Liuthram. † Lantpert. † Heriman. † Thiotpert. Ego itaque Herimot indignus subdiaconus scripsi et subscripsi notavi diem martis, VIII kal. iul anno XXII Ludowici regis, sub Liutolto comite.