Abt Cozpert verleiht an Cuncila eine von ihrem Vater Gisalmar an Sanct Gallen übertragene Hufe zu Kesswil gegen Zins.
Datierung: 829 12 15
Ausstellungsort: Götikofen
In Dei nomine Dum constat plurimis, quod quidam tributarius Gisalmar nomine unam hobam in Chezziwilare sitam ad coenobium sancti Galli contradidit, sed cum partibus regis ipsum tributum exigeretur, imperator gloriosissimus Hlodowicus per suum auctoritatis preceptum partibus predicti coenobii cum aliis quam plurimis concessit Unde et ego Christi favente clementia Cozpertus abbas coenobii sancti Galli convenit nos una cum fratribus et advocato nostro Puatone prefati Gisalmari filiae, nomine Cuncila, sub condictione talius census easdem res prestare, quod et fecimus in ea ratione, ut exinde annis singulis censum solvat, id est si fertilitas vini fuerit, quantum ibidem natum fuerit, usque dumtaxat XV siclas annis singulis persolvat et I frisgingam tremissam valentem. Si autem fertilitas vini non fuerit, aut VII maldra de grano vel etiam XXX siclas de cervisa persolvat. Si autem de ipso censu uno anno neglegens fuerit vel si ipsas res hereditario iure sibi voluerit vindicare, ipse census, de quo iam neglegens quondam inventa fuerat, ab ea exigatur et ipsas res amittat. Hoc autem firma ratione sancimus, ut post illius obitum cum omni integritate ad ius coenobii nostri redeant Actum in Cotinchova, presentibus istis Signum Cozperti abbatis et advocati sui Puatonis. sig. Lallingi prepositi. Pernwici decani. Hunolti portarii. Meginhardi cellararii. Ratgeri sacratarii. Saloonis camerarii. Williperti. Irifingi. Geralohi. Signa aliorum testium. Ruadpert. Ruadger. Sicger. Werdo. Liutbert. item Liutbert. Rihnand. iuncram. Wolfpert. Rihger. Hugibert. Engilpert. Puaso. Isanbert. Alfrid. Uato. Hadabert. Amalbert. Rihhart. Ego itaque Cozpertus dyaconus rogatus anno XVI Hlodowici imperatoris scripsi et subscripsi. Notavi diem mercuris, XVIII kal. ian., sub Erchanbaldo comite