Baldebret überträgt seinen ererbten Besitz zu Boltschhausen und Büren, mit Ausnahme zweier Hörigen, an Sanct Gallen.
Datierung: 827 08 16
Ausstellungsort: Edliswil
In Dei nomine Ego Baldebret trado ad coenobium sancti Galli pro animae meae remedio coniugisque meae Cunddrudae quicquid me constat in Pollereshusun et in Puirron contra filios meos in portionem suscepisse, tam domibus et aedificiis, quam mancipiis, exceptis his nominibus: Werincoz, Perahline, campis, pratis, silvis, viis, aquis aquarumque decursibus, mobilibus et inmobilibus, cultis et incultis vel quicquid dici aut nominari potest, ex integro ad iam dictum monasterium esse volo traditum ea videlicet ratione, ut dum vixero easdem res habeam censumque inde annis singulis solvam, hoc est octo denarios aut duos vomeres. Si autem Plidger filius filiae meae me supervixerit, memoratas res in eundem censum habeat; et si illas redemere voluerit, cum XL solidis id agat, ita dumtaxat, ut intra IIII annorum redemptae fiant. Similiterque Cunzo, germanus ipsius, si illum supervixerit, potestatem ad agendum habeat. Si autem illi eas non redemerint, tunc post obitum illorum memorato restituantur coenobio perpetim possidendae Si quis vero, quod evenire non credo, contra hanc traditionis cartulam venire et eam quolibet ingenio temptaverit inrumpere coepto privetur effectu et in aerarium regis III untias auri et V pondera argenti cogatur persolvere nihilqueominus firmitatis vigorem haec optineat cartula stipulatione subnixa Actum in pago Durgauge, in villa nuncupata Edineswilare publicae, praesentibus quorum hic signacula continentur Signum Baldebreti, qui hanc traditionis cartulam fieri rogavit sig. Liutpret. sig. Uato. sig. Hutto. sig. Rihger. sig. Samo. sig. Adalo. sig. Erchanpold. sig. Zeizzo. sig. Wolfpret. sig. Sigipret. sig. Hugipret. sig. Amalpret. sig. Tagapret. sig. iuncram. sig. Enno. sig. Cozzolt. sig. Rihnand. sig. Reginolt. sig. Engilpret. sig. Rihhart. sig. Otger. sig. Rihmar. sig. Wolffrid. sig. Huncoz. sig. Lantpold. Ego namque Alphartus inmerens subdiaconus anno XIIII imperii Hludowici imperatoris augusti, die veneris, XVII kal. sept sub Erchanbaldo comite rogatus scripsi et subscripsi feliciter Amen.