Erlebald, abbé de Stavelot, ayant reçu des mains de Henri, comte de Namur, la résignation de la terre de Roclenge, ancienne propriété du monastère de Malmedy, la cède à l’abbaye d’Averbode, moyennant certaines charges et redevances.
Datierung: 1166
IN NOMINE SANCTE ET INDIVIDUE TRINITATIS. Ego Erlebaldus gratia Dei Stabulensis abbas. Notum facio tam futuris quam presentibus, quod quidam de liberiori familia aecclesiae nostrae, ut pote castellani nostri, tres videlicet fratres Ercmannus, Adelardus et Franco terram Stabulensis aecclesiae quam in Rocheldenges de Heinrico comite Namucense in feodo tenebant, in manu predicti comitis resignaverunt; quam ipse comes simili modo michi resignavit, hac conditione ut ego predictam terram Everbodensi aecclesiae traderem pro remedio peccatorum fratris mei bonae memoriae Wibaldi abbatis et meorum, et ut annuatim anniversarius noster in eadem aecclesia fiat, et pro animabus predecessorum predictorum fratrum, ita quidem ut singulis annis pro predicto allodio aureum denarium publicae monete solveret predicta Everbodensis aecclesia aecclesiae Malmundariensi ad quam idem allodium antiquitus pertinuisse dinoscitur, et sic allodium predictum in quieta pace possideret. Hujus rei testes sunt : Heinricus Stabulensis decanus, Albertus Malmundariensis decanus, Symon Stabulensis prepositus, Cuono Malmundariensis prepositus, Albertus camerarius, Anselmus, Liebertus; de laicis vero : Alardus villicus Stabulensis, Franco villicus Malmundariensis, Alardus et Balduinus de Waimes, et quam plures alii ecclesie fideles. Acta sunt hec anno dominicae incarnationis M°. C° LX° VI°, indictione XIIII, in Christo feliciter. AMEN. +