Henri, comte cie Namur, fait savoir que trois frères, vassaux de l’église de Stavelot, ont résigné entre ses mains la terre de Roclenge, qu’ils tenaient de lui en fief, et qu’il l’a remise en mains d'Erlebald, abbé de Stavelot, pour être transportée au profit de l’abbaye d’Averbode.
Datierung: 1166
IN NOMINE SANCTE ET INDIVIDUE TRINITATIS PATRIS ET FILII ET SPIRITUS SANCTI. Quoniam per decursum temporis, caligante rerum paulatim memoria per oblivionis nebulam de rebus etiam nuper factis frequenter crescit contentionis materia, a prudentibus in usum devocatum est, quod si quid ad posterorum noticiam necesse est memoriter reservari, scripto fideliter debeat commendari. Hinc est quod ego Henricus Namucensis comes tam futuris quam presentibus omnibus ecclesie sancte justiciam diligentibus litterali imagine significo, quod tres fratres ex liberiori familia Stabulensis ecclesie, utpote castellani, Erthemannus videlicet, Adelardus et Franco, ejusdem ecclesie terram in Rockeldinc de me in pheodo tenuerunt, quam ipsi spiritu boni consilii instincti ad opus Averbodensis ecclesie michi resignaverunt et effestucaverunt. Eandem etiam terram simili modo ad opus prefate ecclesie in manus Herlebaldi Stabulensis abbatis reddidi, et omnia que mei juris essent de eadem terra sub obtentu eterne remunerationis eidem resignavi. Ut autem hec tam celebriter facta, rata et inconvulsa ab omnibus posteris meis permaneant, scripto memoriter dicavi et auctoritate et imagine nostri sigilli confirmavi. Hujus rei testes : Bruno archidiaconus, Benedictus decanus sancti Joannis, Henricus prepositus Hoiensis, et Godefridus dux Lotharingie, Lodewicus comes de Los, Phylyppus de Alterive, Anselmus de Boneffia, Godefridus de Werde, Eustachius de Dummartin et fratres sui Otio, Vastradus, Bastinus, Willelmus de Los. Acta sunt hec anno dominice incarnationis M. C. LXVI, indictione XIIII, regnante Friderico imperatore, in electione domni Alexandri episcopi II, in Christo feliciter. Amen.