L’empereur Henri IV, à l’exemple de ses prédécesseurs, déclare que l’avoué de Stavelot-Malmedy ne pourra exercer des exactions dans les lieux dépendants de l’abbaye.
Datierung: 1089 11 22
Ausstellungsort: Mayence
In nomine sancte et individue Trinitatis. Respectu divine miserationis electus tertius Heinricus gratia [Dei] Romanorum imperator augustus et patricius. Quoniam comperimus auctoritate sancte Scripture omnem hominem de bonis exemplum recipere, dignum et justum est, fatemur id magis imperialem celsitudinem solliciticius debere servare. Unde noverit universitas fidelium nostrorum tam presentium quam futurorum, quoniam predecessores nostri reges scilicet Sigibertus, Hildricus, nec non imperatores Karolus, Ludouuicus, tres Ottones seu serenissime memorie Heinricus imperator genitor noster sue auctoritatis firmitate sanctiverunt, ut advocatus locorum Stabulaus sive Malmundarium in curtibus ad ipsa loca respitientibus non presumat mansuras aut paraturas facere, redebitiones aut freda exigere aut placitum tenere aut de placitis quicquam habere aut parefridos accipere. Eadem et nos abbati et ejus successoribus firmando corroboravimus et quicquid sane acquisitum fuerit in quibuslibet rebus ecclesie sub eadem lege roboratur nostre preceptionis auctoritate habens emunitatem ab omni invocatorum infestatione. Et ut hec nostre concessionis ac renovationis atque confirmationis plenior habeatur auctoritas, manu propria hoc preceptum subter firmavimus et sigilli nostri impressione insigniri jussimus.