Un noble, nommé Engon, donne au monastère de Stavelot ses biens de Tanton, au comté de Huy, en échange d’autres biens situés à Senaye et à Jehérenne, dans le même comté.
Datierung: 943 [04 26 – 08 06]
Ausstellungsort: Stavelot
Si quis de rebus ecclesiasticis in usus proprios adquirere studuerit, oportet id omnimodis fidelium munimine testamentorum ac veritate corroborari scripturarum. Igitur notum sit fidelibus sancte Dei ecclesie tam presentibus quam futuris, qualiter vir quidam nobilis nomine Engo adiens celsitudinem Odilonis venerandi abbatis, deprecaturus quandam sibi fieri precariam ex terra sancti Petri et sancti Remagli in monasterio Stabulans quo preesse abbas cognoscitur. Cujus peticionem prudenti considerans ratione non incongrue prolata prospiciensque posteris profutura assensum prebuit. Tradidit itaque prefatus Engo de terra sua propria ad altare supradictorum sanctorum in monasterio jam nominato coram testibus idoneis, scilicet villam que vocatur Tanton, in qua sunt duo mansa, ecclesia, molendinum, camba, silva, prata, inter confines aquarum Uuembria et Cenelia, in comitatu Hoio, cum familia VIII his nominibus : Diardus, Wisericus, Wafenbertus, Heldiarda, Liegardis, Gisla, item Heldiarda, Lambertus. E contra accepit ab eodem abbate in propriis rebus monasterii cum consensu totius congregationis, presente advocato nomine Erenfrido, videlicet villam que nuncupatur Ceneils, in qua consistunt tria mansa, et quartum in loco qui dicitur Joherina, cum silva, prata, que conjacent inter confines supra dictos et in ipso comitatu, cum familia XVI quorum hec sunt nomina : luo, Heribrandus, Amultrudis, Alera, Otueus, Berhaida, Wilerannus, Bolheldis, Sigeerus, Warentrudis, Goda, Bertu¡, Lantfridus, Antsa, item Lantfridus, Oda. Ea scilicet ratione, ut predictas ambas res in usus teneat proprios ipse et uxor mea nomine Duoda et filius meus nomine . . . , ita dumtaxat ut non vendere neque dare neque commutare in illorum sit potestate, sed, quam diu advixerint, teneant hec omnia atque possideant, et post illorum excessum ab hac vita absque ullius contradictione ad possessionem ecclesie hec omnia supra nominata redeant cum omni inmelioratione. Et ut hec precatio firma et stabilis permaneat, hanc cartam fieri decretum est fidelium manibus roborari, quorum subter nomina retinentur inserta. Actum in monasterio Stabulaus publice sub die regnante domno Ottone rege anno VII. Signum Odilonis abbatis qui hanc precariam firmavit et advocati Erenfridi. Monachi : Signum Heriberti. S. Werimundi, Tatilonis, Rotgeri, Helfridi, Werinfridi et multorum aliorum. Ego in Dei nomine Werinfridus.