Guntbert déclare avoir reçu en précaire du comte Gislebert, abbé de Stavelot, et de ses religieux des biens à Remagne et à Moircy en Ardenne, en abandonnant ses biens de Moircy au susdit monastère qui en jouira après sa mort, celle de sa femme et celle de son fils.
Datierung: 922 08 25
Ausstellungsort: Namur
Domno et in Christo venerabili viro illustri Gisleberto comiti et abbati ex monasterio Stabulaus Guntbertus. Expetivi a vobis de rebus sancti Petri et sancti Remacli de monasterio Stabulaus, que sunt in pago et comitatu Arduenna in loco et villa que dicitur Romonia et in alio loco et villa que dicitur Morceias sitas super fluvium Vrtam , ut vos una cum consensu et voluntate fratrum ibidem servientium ad usum benefitii mihi concedere deberetis. Quod ita et fecistis. Hoc est : mansos III, id est tam terris quam pratis, pascuis, aquis aquarumque decursibus, mobilibus et immobilibus, exitibus et regressibus, concessistis mihi in usum benefitii tam mihi quam uxori mee nomine Engile nec non et filio meo nomine Roberto; ea ratione ut, quam diu advixerimus, absque prejudicio vestro vel sancti Petri et sancti Remacli tenere et usu fructuare faciamus, et de istis rebus non liceat nobis alibi vendere nec donare nec ullomodo distrahere nec ipsos usus in alterius manus transferre. Pro hujusmodi causa et ut firmior sit precaria ista, econtra dedimus ego Guntbertus et uxor mea Engila et filius meus Robertus ex mea proprietate ad partem jam dicti monasterii sancti Petri et sancti Remacli et sanctam congregationem ibi consistentem de rebus illorum in supradicto pago Arduenna in jam dicto loco Morceias mansum unum fiscalem, quia plus habetur in ipso manso quem dedimus quam in ipsis tribus quos accepimus; pro hoc donamus tam in terris, pratis, pascuis, aquis aquarumve decursibus, mobilibus et immobilibus, post obitum nostrum tradimus ad prefatum monasterium perpetualiter possidendum. Si quis vero, quod fieri non credimus, si fuerit in postmodum nos ipsi, quod absit, vel ulla quislibet opposita persona qui contra hanc precatoriam venire presumpserit, illud quod repetit non vendicet et contra cui litem contulerit auri cocti libras III, argenti pondera X componat, et hec precatoria talem obtineat effectum qualiter de quinquennio in quinquennium fuisset renovata, et ista pena non sit necesse cujus intextus in semetipsa debeat perdurare. Actum in vico Namuco sub die VIII kal. septemb., anno XI° regni domni Karoli piissimi regis.
Signum Gisleberti ducis, comitis et abbatis, qui hanc precariam manu propria firmavit et firmare rogavit et jussit scribi, his presentibus: Rotaldus prepositus et monachus, Liethfridus portarius et monachus, Heribertus monachus, Bernardus monachus, Tyethfridus monachus. Euerardus monachus, Henradus monachus, Wielandus monachus, Burgericus monachus, Godefridus laicos, Arnulfus laicus, Johannes laicus, Ysaac Iaicus, Otto comes. Gerardus cancellarius per jussionem Gisleberti ducis, comitis atque abbatis scripsit et subscripsit, in Dei nomine feliciter. Amen.