Cepit autem idem beatus pontifex una cum consilio et voluntate domni Theodberti ducis in superiori castro sepedicti Iuuauensis oppida construere ecclesiam ac monasterium sacris virginibus ad habitandem in servicio dei et sancte Marie matris domini, et peracta ecclesia consecravit eam domino in honore eiusdem sancte dei genitricis Marie posuitque ibidem per licenciam et voluntatem domni Theodberti ducis Christi ancillam deo sacratam neptem suam nomine Erindrudem cum aliis deo devotis feminis in servicium dei et sancte Marie virginis Christique genitricis. Et ipse dux pii studii ob voluntatem dei omnipotentis tradidit ibidem in alimoniam ancillis dei et in mercedem genitoris sui et sui ipsius villam, que vocatur Einheringa, cum commanentibus ibidem servis et aliis exercitalibus hominibus XXX cum omnibus que habebant super fluvium Sala, ad idem puellarum dei monasterium deservire. Tradiditque ibidem ipse dux Theodbertus villam cum tributalibus viris super Salzaha, que dicitur Glasâ, et aliam Marciago. Tradiditque tributales Romanos ad eundem locum in diversis locis colonos CXVI. Tradidit eciam in Talgo ecclesiam et prata et silvam et piscanionis terciam partem Mannsê et similiter in Parnsê terciam partem piscacionis. Ad Cucullas colonos VI et prata et silvam et alpes IIII. Tradiditque idem dux Theotbertus ad ipsum monasterium puellarum ad Vischaha mansus VI et molendinum et prata et silvam. Deditque ibidem ad Salinas loca fornacium VIIII cum servis illus pertinentibus. Dedit quoque ibi ad censum persolvendum ad idem monasterium omnes, qui in Salinis habitent et in Monâ et in Nanâ, ut unusquisque eorum a medio mense Maio usque ad missam sancti Martini in unaquaque ebdomada donent feria VI de sale modium unum exceptis IIII manentibus. Tradidit quoque illuc [villam], que dicitur Waginga, cum mansis XL et omnia que ad ipsam villam pertinent; aliam quoque villam in eodem pago nuncupatam ad Chameren cum manentibus XIIII cum omnibus appendiciis suis. Iuxta Trvn quoque fluvium in eodem pago Trvnwalha dedit qui dicuntur Romanos tributales LXXX. Dedit eciam ibidem ad Tiettrammingen super Salzaha fluvium casam et curtem cum omnibus appendiciis suis et mansis LX inter servos et tributales nec non et exercitales homines. Nam et in Atergov dedit tributales IIII cum colonis suis. Dedit in Matergo tributales IIII cum colonis suis. In pago quoque Trunsê dedit tributales XV cum colonis suis. Dedit eciam idem dux Theotbertus ad idem monasterium puellarum venacionem in silva et alpibus a monte qui dicitur Keizperch usque ad Stegen, et hec omnia perpetualiter ibidem confirmavit.
Hucusque bona sancte Erindrudis virginis.