Formulae - Litterae - Chartae: Leseumgebung

Salzburger Urkundenbuch (Ed. Hauthaler); Codex Odalberti, Nummer 93

Datierung: 933 (c. 09 16)
Ausstellungsort: St. Georgen

DE COMMUTATIONE GUNDPOLDI.

Cognitum vero sit omnibus sanctae aecclesiae fidelibus, qualiter quidam nobilis vir n(ominatus) Gundbold cum Iuuauensis aecclesiae archiepiscopo Ôdalberto quoddam concambium et domui dei utile agere obsecrabat Tradidit quoque ipse iam dictus Gundpold in manus domni archiepiscopi Ôdalberti et advocati sui Kerhohi talem proprietatem, qualem ad Rihhartesheimon habuit in pago Chiemingouue in comitatu Folchradi territorii hobas III et dimidiam silvamque pascualem porcorum cum caeteris omnibus iuste ad hanc proprietatem accedentibus ad sanctum Petrum sanctumque Rodbertvm in proprietatem habere per aevum Econtra vero domnus iam dictus Ôdalbertus archiepiscopus cum manu advocati sui Kerhohi consulti fidelium suorum clericorum scilicet et laicorum eidem nobili viro Gundpold vocato de rebus ecclesiae dei sibi commissae tradidit in eodem pago in comitatu Kerhohi ad Megiloluingun territorii hobas III cum caeteris omnibus iuste ad hunc locum pertinentibus sibi in proprietatem perpetualiter possidendum et hoc sciendum, quod ex utraque parte loca tunc deserta iacebant.

Isti sunt testes Diotmar, Otker, item Diotmar, Pernhart, Reginperht, Dultinch, Rafolt, Ruodolt, Ruodolf, pâpo, engilperht, hoholt, volrat, reginhart, Ŏgo, meginhelm, mîlo, salaman, folchrat, fridaperht, Uuithart, item Diotmar, Fricho, Kanzo, Nanzo, Ludolf, Reginolt.

Actum ad Sanctum Georgium, anno DCCCC XXXIII.