Chartes et documents de Saint-Bénigne de Dijon. Prieurés et dépendances des origines à 1300. Tome premier., 54
Datierung: 841 07 27
Ausstellungsort: Castrum de Dijon
In Dei nomine placuit atque convenit inter venerabilem virum Teutbaldum episcopum et, ab alia parte, Ailberto vicedomino, ut paginolas de terris tam de jure aecclesiastico quam de propria possessione inter se commutare deberent, quod et ita fecerunt. Inprimis, dedit vir venerabilis Teutbaldus episcopus una paginola de terra, de racione sancti Benigni, ex beneficio Andraldo, que est in pago Divionense, vel in actu Oscarinse et infin Plumberense; terminat de uno latus terra Ailberto; et de alio latus et uno fronte terra sancti Benigni; pro alio fronte, Oscara fluvius decurrit; habet in longum perticas agripennales XV, et in ambis frontibus perticas III, et per medium XXII; infra istas terminaciones et mensuras dedit Teutbaldus episcopus partibus Ailberto, ad proprium possessionem ad integrum. Econtra ad invicem, in aucmentum reddendi, dedit Ailbertus alia paginula in campo, in ipso pago, et in ipsa fin; terminat de ambis lateribus et una front terra sancti Benigni; pro alia front, via publica; habet in longum perticas agripennales XXXII et in ambis frontibus perticas IIII: infra istas terminaciones et mensuras dedit Ailbertus Teutbaldo episcopo, ad jure et merito sancti Benigni, et ad beneficium Andraldi, ad propriam possessionem ad integrum. Taliter ex utraque parte convenit et inter se confirmaverunt, ut una queque pars, tam basilica quam et ille, proprio jure possidere debeat, hoc quod accepit habeat, teneat, adque possideat, et faciat exinde quod voluerit et expedit faciendi. Et si qua pars contra partem alteram aliquam calumniam generare temtaverit, exinde nichil evindicet, sed insuper inferat cui repetit, duplum tantum quantum ipsa res melioratas valere estimantur coactus desolvat, de reliquo vero partibus fisci satisfactione cogatur adimplere, et nihilominus presens commutacio firma et stabilis permaneat, stipulatione subnixa. Actum Divion castro, publice. Signum Ailberto, qui commutacionem istam fieri et firmare rogavit. S. Elmerico. S. Vuldonus. S. Amalrico. S. Ageverto. S. Rotberto. S. Alerico. S. Cristiano. S. Agenardo. S. Ainrico. S. Amalfredo. S. Betono. S. Suavilono. Ego Blitaldus presbiter subscripsi. Adalbertus clericus notarius scripsi et subscripsi. Datum ipso die VI kalendas Augustas anno II regnante domno nostro Karolo rege.