Datierung: 1016 12 22 (27?)
Ausstellungsort: Lausanne
In nomine sanctae et individuae trinitatis. Rodulfus dei gratia rex. Notum sit omnibus natis et nascendis, qualiter ob petitiones Irmingardis reginae coniugis nostrae et postulationes Burchardi Viennensis archiepiscopi dono in comitatu Viennense sancto Mauricio ad commune stipendium fratrum ibi deo famulantium terram, quam Otmarus tenere videtur infra istos terminos: de terra de Marlin usque Areil, et quantum in Cateit de aqua sallente usque Salpasia et usque Maciaco, in omnibus appendiciis et usuariis, ut perpetualiter teneant tam praesentes fratres quam successores eorum nemine inquietante. Ut haec a nobis facta credantur, manu nostra roboravimus et sigillari iussimus.
Signum domni Rodulfi (M.) regis pii.
Paldolfus cancellarius recognovi.
Data VI kal. ianuarii, luna XVIIII, anno ab incarnatione domini MXVI, regni Rodulfi regis XXIIII; actum Lausonnae; feliciter amen.