In nomine sancte trinitatis et individue unitatis. Rodulphus divina providente clemencia rex. Notum esse volumus dei ecclesie filiis natis et nascendis, qualiter quidam ex fidelibus nostris Amiso nomine venit ad nos postulans, ut sibi per prestariam concederemus quandam terram sancti Mauricii. Cui assensum prebentes largimur tam ipsi iam prefato Amisoni et uxori eius, quam sibi legitime acquisierit, et post eorum discessum cuique illorum infanti dare voluerint vel consentire, mansos duos coniacentes in comitatu Bargensi sive in valle Nugerolensi, tam in casis quam in casalibus campis pratis vineis pascuis silvis aquis aquarumque decursibus et cum omnibus appendenciis seu usamentis omnibus, laudante et consenciente donno ac venerabili Burcardo archiepiscopo et loci Agauni abbate simulque fratribus sancti Mauricii annuentibus, accipientes a iam dicto Amizone vineam unam sui proprii iuris sitam in comitatu Bargensi sive in valle Nugerolensi et campum unum, quo eadem vinea possit operari, sub censu XII denariorum, quos singulis annis in festo sancti Mauricii ad eius altare persolvant; et si in uno anno negglegentes extiterint, in altero duplum componant et sic secure possideant. Et ut hoc a nobis factum esse credatur et a nemine posterum nostrorum infrangatur, suis consimilibus ad firmandum dare iussimus.
Bertoldus comes firmavit. Cuono comes et filius eius firmaverunt. Seligerus
firmavit. Adalgoz firmavit.
Actum Pinpenymgis presencia quam plurimorum hoc videncium, die dominico anno incarnacionis domini nostri MXVI, anno regni vero Ruodolphi regis
quam pii XXIIII.
Ego Franco vice Pandolphi cancellarii scripsi.