In nomine sanctae et individuae trinitatis. Rvodolfus divina favente clementia serenus rex. Iustis fidelium nostrorum peticionibus acquiescere consiliisque eorum statui regni, nominis dignitati, honoris amplitudini augmentis proficientibus piae voluntatis assensum more antiquorum nos precedentium regum praebere utile, iustum ducimus et honestum. Unde notum sit omnibus evi praesentis hominibus et futuri temporis fidelibus, qualiter ob animae nostre remedium locique Lausonnensis honorificentiam, ubi pater noster nosque post eum regalem electionem et benedictionem adepti sumus, insuper et peticiones Irmingardis reginae coniugis nostrae dilectae nec non et postulationes Burchardi archiepiscopi fratris nostri et episcopi Hugonis Anselmique episcopi et ob servitia Heinrici episcopi Lausonnensis aeclesiae donamus deo et sanctae Mariae ad episcopatum Lausonnensem et episcopo Heinrico, qui huic aeclesiae praeesse videtur, comitatum Waldensem, sicut ab antiquis terminationibus est determinatus, cum omnibus pertinenciis, in stophariis, in exactionibus, in omnibus usibus et utilitatibus, legaliter et firmiter ad tenendum Lausonneque perpetualiter permanendum, absque omni inquietatione et contradictione alicuius personae. Ut haec a nobis facta credantur et [a] posteris nostris non infrangantur, manu nostra firmando roboravimus et sigillo nostro iussimus insigniri.
Signum domni Rvodolfi (MF.) regis pii. (SI. D.)
Paldolfus cancellarius recognovi.
Data VIIII KL. septemb. anno incarnationis dominicae MXI, indictione V, regnante domno Ruodolfo rege anno XVIIIImo; actum Uiuesci.