Ina nomine sanctae et individuae trinitatis. Rvodolfus divina gratia rex. Iustis fidelium nostrorum postulationibus acquiescere utile et honorificum ducimus. Quapropter notum esse volumus omnibus sanctae dei acclesiae fidelibus, qualiter ob anime nostrae remedium nec non peticiones Uodelonis venerandi abbatis reddimus deo et sancto Petro ad Romanum monasterium in comitatu Waldense villam Ferrieris cum omnibus appendiciis suis: in villa Moriei mansum unum et unum casalicum cum casa super posita — terminat autem ipse casalis de uno latus pratus sancti Mariciii, de alio latus via publica, de alio latus fluvius currens —, in Ornei mansos duos, in Islapadencs mansum unum, in Senerclens mansum unum, in Glans mansum unum, in Penta mansum et dimidium, intra Canuent et Mornens mansos VIIII, in Gies mansum unum, ad Fontanes lunaticos II, ad Munnens mansum unum. Hec denominata habeant rectores Romani monasterii in servitio dei et sancti Petri et procuracione fratrum ibi deos famulantium, nemine contradicente. Ut haec a nobis facta credantur et a posteris nostris non infrangantur, manu nostra roboravimus et sigillari iussimus.
Signum domni Rvodolfi (MF.) regis pii. (SI.D.)
Paldolfus cancellarius recognovi.
Data XIII KL. april. anno ab incarnatione domini MXI, regnante domno Rvodolfo rege anno XVIIII; actum Viuesci.