In nomine sanctae et individuae trinitatis. Ruodolfus divinae nutu clementiae regiae dignitatis donatus honoribus. In restaurationibus aeclesiarum dei perpetuisque solidationibus summo mentis affectu plurimum operam dare praeutilis et honesti fore propositum negotii nostri noticiam minime latitat. Unde omnibus sanctae aeclesiae filiis, evi praesentis hominibus et futuri temporis fidelibus, certius innotescere volumus, qualiter ob Agildrudis reginae coniugis nostrae dilectissimae archipraesulisque Purdiardi nec non domni Uotelonis Cluniacensis monasterii abbatis iustas et honestas peticiones praecepta regalia seu cartas vel donationes ab aliis fidelibus eidem Cluniacensi monasterio, quantum nostri in finibus regni habetur, factas in unum collecta corpusculum more patris nostri beatae memoriae nominatim omnibus missis renovavimus. Pertinent igitur ad locum praedictum Paterniacum monasterium et Romanum monasterium cum omnibus appendiciis eorum, in episcopatu Lugdunensi Sauiniacum, Farencvm, Ambariacum, Boliniacum, eclesia quae dicitur de Oratorio, eclesia sancti Andeoli, Luiniacum, Tussiacum, Cauariacum, villa nomine Romanos, Taluzatis, portus de Osa, Uiuariacum piscinaeque aliquot, Darbonacum, Anberta, Poliacum, Artedunvm, aeclesia Liergis, eclesia de Uallibus, eclesia de Rodnengs, cum omnibus ad ea pertinentibus; in episcopatu Uiennensi Croptas locus, Taderniacvm, Caussella, eclesia sancti Desiderii, Bracost, Brucins, Iarzin superior, Iarzin subterior, mansiones de Uienna cum eclesia, villa Salpaisa, mons Iudeus, eclesia de Candiaco, Medons, villa quae vocatur Insula inter Bullam et Carusiam, cum omnibus eorum appendiciis; in episcopatu Valentinensi eclesia de monte Ison, eclesia de Aleso; in episcopatu Vivariensi eclesia sancti Georgii, locus Rumpone, locus ad Fontes Cellarionis cum aliis quibusdam; in Prouentia cella sancti Amandi, castrum Colonzellas, cella sancti Pantaleonis, Tudeleta, Poiodolen, castrum Condorcense, cella Rosacensis, cella Canagobiacensis, Valentiola, Teiza, mansiones de castro Auinione et Araelatensi urbe et monte Iuuario, quicquid ibi acquisistis et in villa Ribedanias. Haec igitur teneat abbas Uotelo monachique sub eo locati successoresque eorum cum omnibus, quae antecessores eius in regno nostro acquisierunt aut ipse aut adhuc acquisiturus cum successoribus erit. Ut autem hec a nobis facta credantur et numquam a posteris nostris infrangantur, manu nostra roboravimus et sigillo nostro iussimus insigniri.
Signum domni Ruodofi (M. IMP.) regi nobilissimi.
Ego Paldolfus cancellarius recognovi.
Actum Uiueisi anno incarnationis dominicae DCCCCXCVIII, indictione VIIII,
regni vero Ruodolfi regis sexto; feliciter amen.