Datierung: 912 08 13
Ausstellungsort: Gerresheim
(C.) Qui debitum sibi nexum relaxat servicium, mercedem sibi esse apud deum in futuro confidat. Ideoque nos in di nomine Euuruuinus et soror mea Lantsuint quendam ex nostris prospicientes devotum ac fidelem nobis fideliter servientem vernaculum nomine scilicet Salafridum et coniugem eius nomine Liebuui pro remedio animae nostrae vel proquinquorum nostrorum seu pro aeterna retributione a iugo servitutis de servitio publico ingenuo relaxamus cum filiis et filiabus, sicuti per hanc absolutionis cartam a die presente visi sumus fecisse; ea utique ratione, ut ab hac die nulli quicquam debeant servitutis preter tantum eant, pergant, per portas intrent et exeant apertas nullo obstaculo resistente. Mundaburdem vero aut patrocinium eligant sub ecclesia dei et sancti Ypoliti maryris Christi vel sub ala ipsius domini vel dominae ea rationis causa, ut singulis annis ad supradictam ecclesiam sancti Ypoliti unusquisque eorum in festivitate eiusdem martyris duas deneratas cerae persolvere satagant, nihil magis de propria facultatula dantes post obitum uniuscuiusque eorum preter tantum, quod obtimum habeant aut in equis sive in bubus seu in porcis aut in ceteris rebus dare festinent. Cetera vero dare, vendere, commutare vel ad bonum vel ad malum licenciam teneant. Si quis vero, quod futurum esse non credimus, si nos ipsi, quod absit, aut ullus de heredibus vel proheredibus nostris aut ulla opposita vel extranea persona, quae contra hanc ingenuitatis cartam venire aut eam infringere vel emutare voluerit, primo iram dei omnipotentis incurrat et sancti Ypoliti martyris preterque haec una cum distringente socio fisco auri libras III, argenti pondura III coactus exolvat et, quod repetit, evindicare non valeat, sed presens ingenuitatis carta ceraria firma stabilisque permaneat stipulatione subnixa.
Actum publice in Gerricheshaim sub die iduum august. anno I serenissimi regis Karoli.
Signum Euuruuini et Lantsuindae in dei nomine feliciter. Signum Uuolfridi. Signum Hathageri. Signum Ruotberti. Signum Reginbernni. Signum Ruothardi. Signum Heionis. Signum Herimanni. Signum Ruotuuigi. Signum Uuanboldi. Signum Sigiberti. Signum Uuilhelmi. Signum Immonis. Signum Hildiboldi.