Datierung: 970 01 02
Ausstellungsort: Gerresheim
(C.) Si quid actum fuerit in catholilica ecclesia memoria dignum ad edificationem presentium, ut perpetuo stabile perduret, credere et astipulari debet cognitio futurorum. Quapropter noverint omnes praesentes scilicet et futuri, qua[li]ter ego in dei nomine Gero Coloniensis sedis gratia dei archiepiscopus adveniens quendam locum episcopatus nostri Gerichesheim dictum moniales canonice deo gratias et religiose viventes monasteriumque ex antiquo noviter reaedificatum absque sanctificatione invenimus. Quarum devotum et in dei servitio ferventem animum cernentes ad eorum postulata locum templumque, [in] quo divina agerent solempnia, dedicavimus ipsaque die dedica- tionis ad subsidium victus quasdam res usui earum [det]errninavimus in pago Bonnense in comitatu Herimanni comitis in villa vel marca Ingermaresthorp territorium et arpennam I et iorn[a]les V; in pago etiam Auelgoue in c[omita]tu Godefridi comitis in villa vel marca Roonthorp territorium I cum V arpennis et XII iornalibus et quicquid Ruotgerus prepositus in his pagis beneficiario [iure p]ossedit. Et ut haec fidelius a successoribus nostris acta credantur, litterarum astipulatione consignavimus. Si quis vero haec, quae nos bono animo et fidelium nostr[orum] consilio disposuimus, immutare voluerit, fiant novissima eius peiora prioribus, et tamen animus sane sapientium haec firma durare contendat et insanae mentis hominem per[muta]re non sinat.
Actum in predicto loco IIII non. ian. anno incarnationis domini DCCCCLXX, indictione XIII, regnante pio Ottone anno XXXV imperii sui VIIII in dei nomine.
Signum domni Geronis archipresulis, qui data sua hoc scripto firmavit et auferre mo[li]entem viva voce anathematizavit. Signum Vuerini prepositi. Signum Adalhelmi. Signum Liutheri. Signum Reginhardi. Signum Duodonis. Signum Vothilrici. Signum Vizzonis. Signum Helmrici. Signum Adalberti. Signum Epponis. Signum Vuizzonis. Signum Rigdagi. Signum Ge[rb]onis. Signum Eueruuini. Signum Duodonis. Signum Iconis.
Ego Ruotbetus indignus ad vicem Meginheri cancellarii scripsita hanc cartam et