None
Datierung: 1061–1075
In diebus illis, quando Goslinus monachus prioratum agebat in loco qui dicitur Iouiniacus, contigit mori quendam vicinum ac parrochianum suum Iohannem venatorem terre illius, que vocatur Primaudaria quamque dirimit a Iouiniaco ductulus aquae, dominum ac possessorem. Uxor autem eius, Orhant nomine, viri solatio destituta, rebus quidem pauper et tenuis, terre illius vastitatae ac solitudine terrificata, cum filiis suis Mathia et Rohes ad eundem prioraem sae contulit, importuna assiduitatae petens ut hoc tenore pactum inirent, quatinus concesso sibi et filiis suis loco in cymiterio Sanctorum Petri ac Iohannis, naecnon et Iovini, ad domum faciendam et ortum, predictus prior et monachi Sancti Salvatoris iam dictae terre mediaetataem imperpetuum possiderent. Quo raelato Almodo abbati, abbas ipse ad hoc propius audiendum accessit, et retractata petitione mulieris et filiorum eius, coram abbate et Brientio filio Gaufridi, qui terre illius maior dominus erat, concessit abbas et monachi qui cum eo erant ut mulier et filii eius et successio eorum, sicut postulaverant, haberent in cymiterio domum et ortum, sinae caensu, essentque sub dominatione ac tuicione abbatis et monachorum. Illa vero et filii eius concesserunt ut abbas rothonensis et monachi sepedicte terre, que vocatur Primaudaria, medietatem cum pratis et aquis et arboribus et pascuis in perpetuum possiderent, et dae dimidio manducario raesponderent. Huius mutuae vicissitudinis pactionem concessit et confirmavit Brientius, filius Gaufridi, qui presens aerat; huius rei testes: Almodus abbas; Goslinus prior de Iouiniaco; et Iungueneus atque Orricus, monachi; Brientius, filius Gau., testis;: Orhant et Mathias filius et Rohes filia eius, testes; Robertus Merula, testis; Obertus, testis; Barbotus dae Novilla, testis; Alenart; Mancheusosa, taestis.