None
Datierung: 848 03 01
Magnifico viro nomine Carantcaro, fabro, emptori, ego enim, in Dei nomine, Couuetic, venditor, constat me ibi vendidisse et ita·vendidi rem proprietatis maeae, hoc est, partem terrae nuncupante Ranscaman Baih, .IIII. modios de bracce cum uno colono nomine Haelmonoco, et cum terris, heredibus suis, vel coniugi tuae Uuentamau vel semini vestro, unde accepi a vobis pretium in quo mihi bene complacuit, illis presentibus qui subter tenentur inserti, hoc est, in argento solidos .XVII. et denarios .III., habeatis, teneatis, possideatis, faciatis exinde quicquid volueritis, iure proprietario, liberam et firmissimam in omnibus habeatis potestatem ad faciatis, in dicumbito, sine redemptione usquam, et alligo vobis fideiussores vel dilisidos in securitate ipsius terrae his nominibus: Catuuotal, Haeldifoes, Omnis; et quod fieri non credo, post hunc diem, si fuerit ulla quislibet persona, si ego ipse, Couuetic, aut ullus de coheredibus vel propinquis meis, qui contra hanc venditionem aliquam calumniam vel repeticione generare presumpserit, illud quod repetit non vendicet, insuper et cui contra litem intulerit solidos XXX.IIII.; et ut haec venditio firma et stabilis permaneat, manibus meis firmavi et bonis viris adfirmare rogavi. Signum Couuedic venditoris, testis; Noli, testis; Maenuili, testis; Sulmin, testis; Loiesmin, testis; Haeluuicon, testis; Maenuuocon, testis; Uuetenhoiarn, testis; Fomus, testis; Rumatan, testis, Hiauuid, testis; abbas Uuorcorriet; x. Nominoe; x. Hoiarn; x. Diloid; x. Bertuualt; x. Tuduual; x. Miot; x. Moei; x. Comaltcar; x. Maenuueten. x. Factum est hoc super ipsam terram .III. feria, kal. marc., .II. die quadragesimae, regnante Karolo rege et Nominoe tenente Brittaniam, Susanno episcopo; ego, Haeluuido, abbas, scripsi et subscripsi.