None
Datierung: 846 03 31
Magnifico viro nomine Driuuallono, presbytero, nos enim, in Dei nomine, Branoc et Iarnhitin et soror nostra Driken et filius ejus Alveus et filia sua Iudita et ceteri filii nostri, venditores, constat nos tibi vendidisse et ita vendidimus rem proprietatis nostrae, hoc est, demedium campi Crucis et villa Renhenlis, totum et ad integrum, et dimidium parte que sub ipso villare est usque ad flumen Visionum et que tam partem scluse Carnun unde accepimus ante precium in quo nobis bene complacuit, illis presentibus qui subter tenentur inserti, hoc est, in argento solidos .XVIII. et ad poticulas quas simul bibimus denarios .XVIII., et alligamus tibi dilisidos vel fideiussores in securitate ipsius terrae supradicte et prate his nominibus: Tiarnan, Iarntanet, Risuueten, Iudrith, Mohilou, Liuuetlon, habeas, teneas, possideas, facias exinde quicquid volueris, ita vel (ut?) ab hodierna quicquid exinde facere volueris, iure proprietario, liberam ac firmissimam in omnibus habeas potestatem ad faciendum, cum terris cunctis et incultis, pratis, pascuis, aquis, aquarumve decursibus, et. cum omni supradicto suo, sicut a nobis, presenti tempore, videtur esse possessum, ita de iure nostro in tua tradidimus potestate vel dominatione; his presentibus actum fuit: Beati, presbyter, testis; Ratfred, testis; Arthuuius, testis; Uuorathoui, testis; Urumgen, testis; Matfred, testis; Omnis, testis; Iarncant, testis; Catlduuen, testis; Iuddrith, testis; Iarcun, testis; Dobroc, testis; Iarnuuant; Guatin, testis; Uurmhouuen, testis; Notolic, testis; Iuduuallon, testis; Iunhael, testis. Factum est hoc in loco marchato Rannaco, die Mercurii, .II. kal aprilis, Nomine tenente Brittanniam, Susanno episcopo; ego Haeldeduuidus, abbas, scripsi et subscripsi.