Pippin schenkt dem Kloster Gorze 6 Mansen mit Kirche und Zehnten in der Villa Dombasle in Seillegau. (unecht)
Datierung: 762
In nomine sancte et individue trinitatis. Pippinus divina favente gratia rex. Quicquid enim locis sanctorum venerabilium ubique deo degentium fratrum ob honorem domini nostri Jesu Christi pia devotione augmentamus vel confirmamus, hoc nobis procul dubio ad mercedem vel stabilitatem regni in dei nomime pertinere confidimus et profuturum nobis ad presentis vite curricula felicius transigenda necnon et beatitudinis premia securius obtinenda non dubitamus. Quapropter precibus venerabilis Chrodegandi archiepiscopi admoniti donamus ex rebus nostri iuris in pago Salnensi et in comitatu Scarponinsi in villa que Domnobusilla vocatur mansos VI et ecclesiam cum decimacione et omni integritate eiusdem ville ad locum sancti Petri et sancti Pauli sanctique Gorgonii eximii martyris, ubi Gorzia fluviolus consurgit, eo scilicet rationis tenore, ut deinceps nostris futurisque temporibus potestatem habeant monachi in ipso loco manentes de prefatis rebus ordinandi, legitimo dumtaxat iure, de suis usibus, quicquid rationabiliter voluerint vel elegerint facere, et pro mercedis nostre augmento attentius domini implorent misericordiam. Et ut hec nostre donationis confirmatio futuris temporibus firmior habeatur, manu propria nostra subter eam firmavimus et anuli nostri impressione signari iussimus.
Actum anno quo supra.
Signum gloriosissimi Pippini regis.
Signum Angelranni et Godefridi.
Signum Alberti.
Signum Wizelini.
Signum Johanis cappellani prefati regis.