Pippin bestätigt dem Kloster St. Denis den vor ihm gerichtlich erstrittenen Marktzoll im Pariser Gau.
Dating: 753 07 08
Pippinus rex Francorum vir inluster omnibus ducibus comitibus graffionibus domesticis vecariis centenariis vel omnes agentes tam presentibus quam et futuris seu et omnes missus nostros de palacio ubique discurrentes. Igitur cognoscat utilitas seu magnitudo [vestra]: venerabilis vir Folradus abba de basilica peculiaris patronis nostri sancti Dionisii, ubi ipse preciosus domnus cum sociis suis corpore requiescere videntur vel ipse abba unacum turma plurima monachorum in ipso cenubio degere videntur vel domino militare noscuntur, missa peticione nobis suggesserunt, eo quod a longo tempore anteriores reges domnus Dagobertus et Chlodouius seu et postea Hildericus et Theudericus et Chlotharius quondam reges, etiam et Hiltbertus et avunculus noster Grimoaldus maiorum domus ipsique quondam omnes telloneos infra pago Parisiaco de illa festivitate sancti Dionisii in idipso pago Parisiaco de omnes necuciantes, tam Saxsones quam Frisiones vel alias naciones promiscuas, de quascumque pagos vel provincias ad festivitate sancti Dionisii martyris, tam in ipso marcado quam et in ipsa civitate Parisius de ipsa vice seu et per villabus vel per agros, tam ibidem quam et aliubi ad negociandum vel necocia plurima exercendum et vina conparandum in portus et per diversa flumina, qui ad ipsa festivitate advenerint, ut ipso telloneus in integritate de ipsa vice ad casa sancti Dionisii concessissent vel confirmassent ; unde et ipsas precepciones vel confirmaciones anteriorum regum nobis in presente obtulerunt relegendas. Relectas et percursas ipsas precepciones seu et confirmaciones vel illo iudicio evindicato domno Hiltberto rege et avunculo nostro Grimoaldo maiorum domo, quem agentes sancti Dionisii super agentes inlustri viro Girimoaldo maiorum domo evindicaverunt, ipsum nobis obtullerunt ad relegendum. Et postea suggerebat ipse Folradus abba vel monachy sancti Dionisii et hoc dicebant, ut ille telloneus de illo marcado in villabus vel agros eorum totus absque iudicis introitum ad [casa] sancti Dionisii adesse debebat. Et hoc dicebant, quod ante hos annos, quando Carlus fuit eiectus per Soanachylde cupiditate et Gairefredo Parisius comite insidiante, per eorum consensu ad illos necuciantes vel marcadantes per deprecacionem unumquemque hominem ingenuum dinarius quattuor dare fecissent, et hoc eis malo ordine tullerunt. Et postea Gairehardus comis Parisii vel agentes sui ipsam deprecacionem, quomodo ibidem invenerunt, per consuetudinem ad ipsos homines hoc exactabant et ad unoquemque homine ingenuo de quacumque natione, qui ad illo marcado adveniebant, dinarius quattuor de eorum capite exactabant, si ingenuus erat ; et si servus erat, tunc coniurare debebat, quod servus fuisset, et ipsi homines, quando ipso sacramento iurabant, quinque dinarius pro hoc donabant. Et hoc agentes sancti Dionisii vel Folradus abba seu ille monachy dicebant, quod per talem consuetudinem ille marcadus fuisset eminuatus vel abstractus ; et ille necuciantes vel omnes naciones, qui ad ipso marcado advenire solebant, pro hac causa ipso marcado defugiebant et ille telloneus de ipsa casa dei erat minuatus vel abstractus. Et ipse Gairehardus hoc dicebat, quod alia consuetudine in ipso marcado non misisset, nisi qualem antea per emissione Soanechyldae vel iam dicto Gairefredo missa fuisset et ibidem invenisset ; et aliter exinde agere non volebat, nisi quomodo domno rege placebat vel quomodo a longum tempus tempora regum ibidem fuit consuetudo vel ad ipsa casa dei in integritate ipse telloneus fuit concessus vel conservatus. Et dum hac causa sic acta vel perpetrata invenimus, per anteriorum regum tales precepciones vel confirmaciones nobis obtulerunt relegendas, unacum plures nostris fidelibus id sunt Milone, Helmegaudo, Hildegario, Chrothardo, Drogone, Baugulfo, Gislehario, Leuthfredo, Rauhone, Theuderico, Maganario, Nithado, Uualthario, Uulfario et Uuicberto comite palati nostro visi fuimus iudicasse vel decrevisse seu confirmasse et de novo iterum concessisse, ut ab hac die nullus ex iudiciaria potestate nec in ipso marcado nec per eorum agros nec portus nec de homines eorum nec eorum necuciantes nec de omnes naciones quascumque, qui ad iam dicto marcado adveniunt, nec per villas eorum nec de navigia nec de portus nec de carra nec de saumas nullo telloneo nec foratico nec rotatico nec pontatico nec portatico nec salutatico nec cispitatico nec mutatico nec nulla exacta nec consuetudines nec illos dinarios quattuor, quod de omnes naciones, qui ibidem ad ipso marcado adveniunt, quem Soanechyldis et Gairefredus comis, ut supra memoravimus, in consuetudine miserunt, ad ipsos necuciantes nec infra ipso pago Parisiago nec in ipsa civitate de ipsa [vice] nec aliubi, qui ad ipsa sancta festivitate adveniunt, nulla exacta nec contrarietate neque vos neque iuniores seu successores vestri exigere nec exactare non presumatis, nisi, ut diximus, quicquid exinde fiscus noster forsitan ad parte nostra seu et ad omnes agentes nostros potuerat sperare, omnia et ex omnibus ipse telloneus ad ipsa casa dei in integrum sit concessus atque indultus vel evindecatus, ita ut [futuris] temporibus per nostra auctoritate vel anteriorum regum habeant confirmatum vel evindicatum, quia nos propter deum et reverencia prefati sancti Dionisii martyris seu pro animae nostrae remedium vel stabilitate regni Francorum et filiis nostris vel posteritate eorum hoc in luminaribus ad ipsa casa sancti Dionisii vel ad ipsos monachos seu pauperes et peregrinos in nostra aelemosina hoc in omnibus concessimus vel confirmavimus, ut eis melius delectet pro stabilitate regni nostri vel pro cunctis leudis nostris domini misericordia adtencius deprecare et ut aevis et perennis temporibus ad ipsa casa dei proficiat in augmentum. Et ut haec confirmacio nostra inspecto ipso iudicio domno Hildeberto rege vel aliorum regum seu et avunculo nostro Grimoaldo maiorum domo firmior habeatur et circa ipsa sancta casa dei perenniter conservetur. manu nostra subter eam decrevimus adsignare et de anolo nostro subter sigillare.
Signum (MF.) domno nostro Pippino gloriosissimo rege.
(C.) Eius iussus recognovi et subscripsi (SR. NT.: Confitemini domino quoniam bonus, quoniam in seculum misericordia Eius rogante Fulrado). (SI.) Vene valeas.
(C.) Datum quod fecit mens. iulius dies octo anno secundo regni nostri ; in dei nomine feliciter.