Datierung: 1158 03 11
Ausstellungsort: Lateran
Adrianus episcopus seruus seruorum Dei. Dilectis filiis Wilelmo abbati monasterii sanctorum Sergii et Bacchi eiusque fratribus tam presentibus quam futuris regularem uitam professis in perpetuum. Religiosis desideriis dignum est facilem prebere consensum, ut fidelis deuotio celerem sortiatur effectum. Eapropter, dilecti in domino filii, uestris iustis postulationibus clementer annuimus et prefatum monasterium, in quo diuino mancipati estis obsequio, sub beati Petri et nostra protectione suscipimus et praesentis scripti priuilegio communimus. In primis siquidem statuentes, ut ordo monasticus, qui secundum Dei timorem et beati Benedicti regulam in ecclesia ipsa institutus esse dignoscitur, perpetuis ibidem temporibus inuiolabiliter obseruetur. Preterea quascumque possessiones, quecumque bona eadem ecclesia in presentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis prestante domino poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis: ecclesiam sancte Marie Belli Pratelli, capellam sancti Sepulchri, ecclesiam sancti Martini, ecclesiam sancte Marie de Geneste, ecclesiam de Andreico, ecclesiam sancte Marie de Uilla Noua, ecclesiam sancti Ioannis de Monte Rebelli, ecclesiam sancti Remigii, ecclesiam de Chaudeio, ecclesiam de Arrableio, ecclesiam sancte Christine apud Caponnam, ecclesiam sancti Maurilii, ecclesiam sancti Petri, ecclesiam sancte Marie et ecclesiam sancti Michaelis de Rupeforti, ecclesiam sancti Simphoriani, capellam de Castello, ecclesiam sancti Sansonis de Moziaco, ecclesiam sancti Albini de Ligniaco, ecclesiam sancti Melanii, ecclesiam sancti Germani de Iuuiniaco super Ligerim, capellam de Martiniaco, ecclesiam sancti Maurilii de Esma, ecclesiam sancti Michaelis, ecclesiam sancti Sansonis in suburbio ciuitatis Andegauis, ecclesiam sancti Ioannis de Litiniaco, ecclesiam sancti Leonardi de Durostallo, ecclesiam de Bremo, ecclesiam sancti Petri de Calido Monte, capellas de Bellaualle et de Diuite Burgo, ecclesiam sancti Germani de Torreia, ecclesiam sancti Petri de Ualle Landrici, ecclesiam sancti Petri de Uerro, ecclesiam sancti Albini de Basogiis, ecclesiam sancti Martini de Creio, ecclesiam sancte Marie de Campis, ecclesiam sancti Iohannis de Ulliaco, ecclesiam sancti Albini de Barraceio et capellam sancti Germani, ecclesiam sancti Marcelli de Brioledo, ecclesiam sancti Petri et sancti Romani de Saponariis, ecclesiam sancti Petri de Placitio, ecclesiam sancti Martini de Mambrerolo, ecclesiam sancti Simphoriani de Pruliaco, ecclesiam sancti Martini de Noua Uilla, capellam sancti Iacobi de Greio, ecclesiam sancti Martini de Torigniaco, ecclesiam sancti Martini de Celso, ecclesiam sancti Martini de Crereio, ecclesiam Briasarte, ecclesiam de Culliaco, ecclesiam sancti Petri de Merallo, capellam de Barbata, capellam sancte Marie de Merallo, capellam de Uendengio, capellam sancti Michaelis de Foresta de Monte Rebelli, capellam de Potionaria, ecclesiam sancti Simphoriani de Ueteri Baugeio, ecclesiam sancti Laurentii in castello Baugeii, ecclesiam sancti Sulpicii extra castellum, ecclesiam sancti Petri de Arigniaco. Obeunte uero te, dilecte in domino fili, nunc eiusdem loci abbate uel tuorum quolibet successorum nullus ibi qualibet subreptionis astutia uel uiolentia praeponatur, nisi quem fratres communi consensu uel fratrum pars consilii sanioris secundum Deum et beati Benedicti regulam preuiderint eligendum. Decernimus ergo, ut nulli omnino hominum liceat prefatam ecclesiam temere perturbare aut eius possessiones auferre uel ablatas retinere, minuere aut aliquibus uexationibus fatigare, sed omnia integra conseruentur eorum, pro quorum gubernatione et sustentatione concessa sunt, usibus omnimodis profutura, salua in omnibus apostolice sedis auctoritate et diocesani episcopi canonica iustitia. Si qua igitur in futurum ecclesiastica secularisue persona hanc nostrae constitutionis paginam sciens contra eam temere uenire tentauerit, secundo tertioue commonita, sinon satisfactione congrua emendauerit, potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore et sanguine Dei et domini redemptoris nostri Iesu Christi aliena fiat atque in extremo examine diuinae ultioni subiaceat. Cunctis autem eidem loco sua iura seruantibus sit pax domini nostri Iesu Christi, quatenus et hic fructum bonae actionis percipiant et apud districtum iudicem premia eterne pacis inueniant. Amen. Amen.
R. Ego Adrianus catholice ecclesie episcopus ss. BV.
Ego Ymarus Tusculanus episcopus ss.
Ego Iulius presb. card. tit. sancti Marcelli ss.
Ego Gerardus presb. card. tit. sancti Stephani in Celio monte ss.
Ego Iohannes presb. card. sanctorum Ioannis et Pauli tit. Pamachii ss.
Ego Ildebrandus presb. card. basilice XII apostolorum ss.
Ego Oddo diac. card. sancti Georgii ad uelum aureum ss.
Ego Guido diac. sancte Marie in porticu ss.
Ego Iacintus diac. card. sancte Marie in Cosmydyn ss.
Ego Iohannes diac. card. sanctorum Sergii et Bacchi ss.
Ego Bonadies diac. card. sancti Angeli ss.
Ego Albertus diac. card. sancti Adriani ss.
Dat. Lateran. per manum Rolandi sancti Romane ecclesie presbiteri cardinalis et cancellarii V idus martii, indictione VI, incarnationis dominice anno Mo. Co. Lo. VIIo, pontificates uero domini Adriani pape IIII anno IIII.