Datierung: 1154 01 20
Ausstellungsort: Lateran
Anastasius episcopus seruus seruorum Dei. Dilectis in Christo filiabus Matildi abbatisse sancte Marie Fontis Ebraudi eiusque sororibus tam presentibus quam futuris regularem uitam professis in perpetuum. Dicatis Deo uirginibus, que despectis illecebris secularibus carne cum uiciis et concupiscenciis crucifixa uirginitatem suam domino Iesu Christo statuere libandam et accensis lampadibus sub habitu religionis per sanctimoniam uite non uelut fatue, sed quasi prudentes sponsi sui Iesu Christi adherere amplexibus et cum eo satagunt ad nuptias eterne beatitudinis introire, taliter apostolice sedis conuenit adesse presidium, ut per hoc, quod rebus propriis prouidere pro sui sexus inbecillitate non possunt, quorumlibet temeritatis incursu non debeant a suo proposito disturbari. Eapropter, dilecte in domino filie, uestris iustis postulationibus clementer annuimus et prefatum locum Fontis Ebraudi, in quo diuino estis famulatui mancipate, sub beati Petri et nostra protectione suscipimus et presentis scripti priuilegio communimus. Statuentes, ut quascumque possessiones, quecumque bona in presentiarum iuste et canonice possidetis aut in futurum concessione pontificum, liberalitate regum, largicione principum, oblatione fidelium seu aliis iustis modis Deo propitio poteritis adipisci, firma uobis et his, que post uos successerint, et illibata permaneant. In quibus haec propriis duximus exprimenda uocabulis: locum ipsum Fontis Ebraudi, qui est capud ceterorum, cum appenditiis suis ex dono Berlaii de Mosterello et Hvgonis filii Gregorii et Are(m)burgis, Pontem Sagii ex dono Fulconis comitis Andegauorum et exclusam, quam habebat ibidem, et uigeriam eiusdem pontis, furtum atque sanguinem totum ad integrum, solida et quieta cum omnibus explecturis, quas antecessores sui ibi habuerant, ex dono patris sui ipso concedente Boscum Rotardi et terram, que circa est, ex dono comitis Fulconis iunioris uiginti iugera pratorum in Uerrone, prata in Gama, que habebat ad censum a monachis de Carofio, eodem comite concedente ex dono Stephani de Monte Sorelli omnem possessionem, quam in uilla sancti Martini Condatensis W(i)ll(el)mus pater eius et uxor sua Hersend(is) ab Iuuone Rege, predicte ecclesie canonico, emerant et eidem Stephano dederant, ex concessione eiusdem comitis quicquid possessionum Iohannes Pi(n)gnonus in Uerreria magistro Rob(erto) de Arbrissello uendiderat, ex dono eiusdem comitis medietarias et omnia prata de Boreuna cum eadem libertate et quietudine qua pater suus illa habuerat, terram Francorum, que Barba Noua uocatur, unam talliam in pratis de Longa Insula, pasnagium omnium forestarum suarum, apud Chinonem Pontem molendinos, exclusam, terram, prata et boscum suum de Tilliaco ad earum opera facienda, obolum, quem idem comes sibi retinuerat in Ponte Chinonis, quem dedit uobis ad procurationem sanctimonialium in die anniuersarii uxoris sue Are(m)burgis, molendinum et prata omnia, que sunt apud Cu(m)pignas in nemore Molnesio, et aquam Uigenne, quam habebat apud Salmurum ad faciendum exclusam et molendinos, molendinum unum ad capud Pontis de Chinone ante sanctum Iacobum, terram suam de Bruillio, que ad Pontem Chinonis est, et omnes terre illius expleturas, prata et census ita integre, libere et quiete et sine omni calumpnia possidenda, sicut ipse usque ad diem illum habuerat, locum de Cholze et exclusam cum molendinis et, quoniam idem comes concessit uobis omnimodam libertatem habendi quicquid in omnibus causamentis suis emptione, donatione uel alio iusto titulo acquirere poteritis, ita integre, libere et quiete, ut nec ab eo nec ab heredibus suis ulterius concessio peteretur uel cuiuslibet rei munus habendi gratia exigeretur, nos eandem concessionem auctoritate apostolica confirmamus; locum monasterii Vegue in Hispania cum appenditiis suis, locum Uoltu(re)re cum appenditiis suis, locum de Bragerac et de Expexiis cum appendiciis suis, locum Paradisi cum appenditiis suis, locum de Fontanis in Petragoricensi episcopatu cum appenditiis suis, locum sancte Marie de Aubuthun cum appenditiis suis, locum de Bobun cum appenditiis suis, locum Cromelie cum appenditiis suis, locum Gasconerie cum appenditiis suis, locum Tucionis cum appenditiis suis, locum Montis Azetii cum appenditiis suis, locum Conolii cum appenditiis suis, locum Uillesale(m) cum appenditiis suis, locum Longifontis cum appenditiis suis, locum Podie cum appenditiis suis, locum Gerundie cum appenditiis suis, locum Gaine cum appendiciis suis, locum Lande de Bellaquercu cum appenditiis suis, locum de Bosco Tollentisuiam cum appenditiis suis, locum Iaunacie, locum Regreperie cum appenditiis suis, locum Cerasorum cum appenditiis suis, locum Belli Loci cum appenditiis suis, locum Pontis Raterii cum appenditiis suis, locum Ursani cum appenditiis suis, locum Iarzarii cum appendiciis suis, locum Glatinei cum appendiciis suis, locum Rarerii cum appendiciis suis, locum Calfurnii cum appendiciis suis, locum de Logiis cum appendiciis suis, locum Hospitii cum appenditiis suis, locum Belli Omeri cum appendiciis suis, locum Case Dei cum appendiciis suis, locum Aquignerii cum appendiciis suis, locum Altebruerie cum appendiciis suis, locum de Fontanis cum appendiciis suis, locum Colungentie cum appenditiis suis, locum de Bulis cum appenditiis suis, locum Charme cum appenditiis suis, locum Foisseii cum appendiciis suis, locum Longeaque cum appendiciis suis, locum sancti Bibiani cum appendiciis suis; in Xanctonensi episcopatu locum Brie cum appendiciis suis; in Tolosano episcopatu locum Scrutarii, locum Nouigenti, molendinum de Ouetheuilla, locum Fontis sancti Martini cum appendiciis suis, ex dono Gaufredi Fulchredi portum de Rest, locum sancte Marie de Uiauche, locum de Estel, locum de Mouscans, locum de Bruillo, locum Riparum; in Carnotensi episcopatu locum Frechenarum; in Anglia ex dono regis Henrici annuatim centum marcas argenti, scilicet sexaginta apud Londoniam et quadraginta apud Wintoniam, item ex dono Ludouici regis Francorum et Alienordis quondam uxoris sue apud Pictauim annuatim quingentos solidos Pictauensis monete, ex dono Wilielmi quondam Aquitanorum ducis annuatim pasnagium foreste, que uulgo numcupatur Ariathun. Sane laborum etc. Prohibemus autem, ut nulli fratrum uel sororum post factam in locis uestris professionem absque abbatisse et capituli licentia exinde discedere audeat; discedentem uero absque dimissoriis litteris nullus retinere presumat. Sepulturam quoque etc. Liceat etiam uobis in locis uestris oratoria edificare, ubi sanctimoniales, fratres quoque et conuersi diuinis intersint officiis, in quibus diocesani episcopi ecclesiastica sacramenta, que secundum Romanorum statuta pontificum uestre religioni expedire noscuntur, gratis et absque difficultate uobis tribuant, ad opus sanctimonialium, fratrum quoque et conuersorum tantum cymiteria benedicant. Obeunte autem te, dilecta in domino filia Matildis, nunc eiusdem loci abbatissa uel qualibet earum, que post te successerint, nulla ibi qualibet subreptionis astucia seu uiolentia preponatur, nisi quam sorores communi consensu uel sororum pars consilii sanioris uirginem uel uiduam cum Dei timore preuiderint eligendam. Statuimus etiam, ut abbatissa uestra, ubi melius episcopus preuia discrecione preuiderit, uirgines autem ordinis uestri, que gratiam benedictionis debent percipere, infra illius monasterii claustrum, in quo diuin[o] sunt obsequio mancipate, a diocesano episcopo munus benedictionis percipiant, siquidem catholicus fuerit et gratiam atque communionem apostolice sedis habuerit et eam gratis et absque omni molestia et prauitate uoluerit exibere; alioquin liceat uobis quemcumque malueritis ad hoc faciendum adire uel inuitare antistitem, qui nimirum nostra fultus auctoritate gratis quod postulatur impendat. Interdicimus autem, ut, si quando pro iusticia uestra ante seculares iudices tracti fueritis, nullus uobis duellum uel iudicium ferri candentis uel aque feruentis siue frigide aque imponat, sed iusticiam uestram probare duobus uel tribus idoneis testibus legitime liceat. Decernimus ergo etc., salua sedis apostolice auctoritate. Si qua igitur etc. Cunctis autem etc. AMEN. AMEN. AMEN.
R. Ego Anastasius catholice ecclesie episcopus ss. BV.
Ego Imarus Tuscul(anus) episcopus ss.
Ego Hugo Hostiensis episcopus ss.
Ego Gregorius presb. card. tit. sancti Calixti ss.
Ego Guid(o) presb. card. tit. sancti Grisogoni ss.
Ego Manfredus presb. card. tit. sancte Sauine ss.
Ego Aribertus presb. card. tit. sancte Anastasie ss.
Ego Octauianus presb. card. tit. sancte Cecilie ss.
Ego Odo diac. card. sancti Georgii ad uelum aureum ss.
Ego Greg(orius) diac. card. sancti Angeli ss.
Ego Guido diac. card. sancte Marie in porticu ss.
Ego Girardus diac. card. sancte Marie in uia lata ss.
Ego Odo diac. card. sancti Nicolai in carcere Tulliano ss.
Dat. Lat. per manum Rolandi sancte Romane ecclesie presbiteri cardinalis et cancellarii XIII kal. feb., indictione secunda, incarnationis dominice anno Mo. Co. Lo. IIIo, pontificatus uero domini ANASTASII PAPE IIII anno primo.