Datierung: 1153 04 10
Ausstellungsort: Rom, St. Peter
Eugenius episcopus seruus seniorum Dei. Dilectis filiis Roberto abbati monasterii sancti Vincentii Cenomannensis eiusque fratribus tam presentibus quam futuris regularem uitam professis in perpetuum. Religiosam uitam eligentibus apostolicum conuenit adesse presidium, ne forte cuiuslibet temeritatis incursus aut eos a proposito reuocet aut robur, quod absit, sacre religionis infringat. Eapropter, dilecti in domino filii, uestris iustis postulationibus clementer annuimus et prefatum monasterium, in quo diuino mancipati estis obsequio, sub beati Petri et nostra protectione suscipimus et presentis scripti priuilegio communimus. Statuentes, ut quascumque possessiones, quecunque bona idem monasterium in presentiarum iuste et canonice possidet aut in futurum concessione pontificum, largitione regum uel principum, oblatione fidelium seu aliis iustis modis Deo propitio poterit adipisci, firma uobis uestrisque successoribus et illibata permaneant. In quibus hec propriis duximus exprimenda uocabulis: ecclesiam de Contiliaco, ecclesiam sancti Lenogisili cum capella sancti Ioa(nnis) leprosorum et capella sancti Martini de Fossart, ecclesiam de Sagonia cum capella sancti Carileffi, ecclesiam de Curgaam, ecclesiam de Noento, ecclesiam de Doscella, ecclesiam sancti Cornelii de Balniolo, ecclesiam sancti Petri de Tuffeio, capellam sancti Ylarii prope Tuffeium, ecclesiam sancti Petri de Soldaio, ecclesiam de Tritione, ecclesiam sancti Vincentii de Laboratorio, ecclesiam de Sarciaco, capellam sancti Geruasii de Belino et in his omnibus sinodalia et circadalia, ecclesiam de Curcismonte, ecclesiam de Maceriis, ecclesiam sancti Petri de Laboratorio et in his tribus medietatem sinodalium et circadalium, capellam sancte Marie de Abbatia, capellam sancti Flocelli, capellam de Campaniaco, ecclesiam de Conerayo cum duabus partibus oblationum altaris in quinque solemnitatibus et duabus partibus primitiarum totius anni, ecclesiam de Ceis, ecclesiam sancte Marie de Curte Dominica, ecclesiam sancte Marie de Villana iuxta Luceium, capellam sancti Petri de Valenceriis, ecclesiam de Toreio, ecclesiam de Flacio prope castrum Ligeris, capellam sancti Petri, ecclesiam sancti Germani, ecclesiam sancte Marie de Nouiomo, ecclesiam de Colongiaco cum duabus partibus oblationum altaris in quinque festiuitatibus et cum duabus partibus primitiarum totius anni, ecclesiam de Pilimilio cum tertia parte decime de Cheseles, medietatem decime et primitiarum de Malmissestere, ecclesiam sancti Maximi de Mosteriolo, ecclesiam sancti Victuri de Basogiis, ecclesiam de Altanoesia, ecclesiam de Nuilliaco, ecclesiam de Ham, ecclesiam de Meluldine, ecclesiam sancti Patritii, ecclesiam sancti Carilefi de Curiadode, ecclesiam sancti Leonardi, ecclesiam sancte Marie de Ace, ecclesiam de Piace, ecclesiam de Iuliaco, ecclesiam de sancto Marcello, capellam sancti Domnoli iuxta Segrayum, ecclesiam sancte Marie de Cheueneio, capellam sancti Audoeni de Ponte Baladonis iuxta Pontem Baladonis, terras, prata et aquam ad piscandum usque ad medium amnis, quanta est longitudo earumdem terrarum et pratorum, que de iure suo dedit ecclesie uestre Oddo de Alleriis pro centum sol(idis) Cenomanensis monete, et decimam partis predicti Odonis de moltura molendini de Cace et ibidem cimiterium, ecclesiam sancti Martini de Domnolio, ecclesiam sancte Marie de Mairoliis, ecclesiam de Auenis, ecclesiam sancti Martini de Bellifagio, capellam sancte Trinitatis de Nouem Fontibus cum duabus partibus decime et primitiarum de terra et animalibus uestris, ecclesiam de Sabla, capellam sancti Remigii prope Treffeium cum duabus partibus oblationum in quinque festiuitatibus et primitiarum totius anui, ecclesiam sancte Marie de Marciliaco, ecclesiam sancte Marie de Paruencheriis, ecclesiam sancte Marie de Berchiuim et ecclesiam sanctorum martirum Vincentii et Laurentii de Landapatric cum pertinentiis earum, ius, quod habetis in ecclesia de Geure, ius, quod habetis in ecclesia de Montebetonis, ius, quod habetis in ecclesia sancti Rigomeri de Soliniaco in ecclesia sancti Iuliani de Tanes sextam partem decime, in ecclesia sancti Martini de Soliniaco prope Baladonem sextam partem oblationum altaris in quatuor festiuitatibus, in eadem parochia decimam Hugonis de Curthaem, decimam Guntherii de Valle et decimam Pagani de Soliniaco atque decimam Haimonis iuxta Montem Dublelli, decimam de Musalaio, in parochia sancte Marie de Noua Uilla de terra Garini Morant duas partes decime et primitiarum, de terra Fulconis de Chanereeroliis duas partes decime ac primitiarum, de terra Heruei de sancto Lenogisilo duas partes decime ac primitiarum, de terra Pagani de Noua Uilla duas partes decime, de terra G(ui)ll(elm)i de Tusca medietatem decime et primitiarum, de terra G(ui)ll(elm)i Faucillun duas partes decime et primitiarum, de terra Villane duas partes decime et primitiarum, de terra de Allandreis, que est monasterii uestri, decimas omnes et primitias, ecclesiam sancte Marie de Monte Dublello cum appenditiis suis, in ecclesia sancti Sulpitii de Musteriolo duas partes decime, in parochia sancti Martini de Lamani de terra Raginaudi de Nuisement duas partes decime, in parochia de Buisseio sextam partem decime ecclesie et quandam uineam iuxta cancellum ecclesie, in eadem parochia de terra de Roacheria duas partes decime et primitiarum, in parochia de Vuluraio tertiam partem decime de terra de Piro et decimationem, in parochia de Dunel tertiam partem decime de feudo de Dunel, in eadem parochia de terra Huberti Espechel, que dicitur Landas, duas partes decime et primitiarum, in ecclesia de Madre nonam partem decime, in ecclesia de Quinta tertiam partem oblationum in quinque solemnitatibus et primitiarum totius anni et decime cum iure, quod habetis in cimiterio, in ecclesia de Atanay duas partes oblationum in tribus solemnitatibus et primitiarum et cimiterium libere et oscham Fredeberti, in parochia sancti Aniani duas partes decime de terra Pagani de Tyron et de una parte terre Albini, decimam pasture porcorum in foresta Pagani de Monte Dublelli, que dicitur Tyron. Preterea necessitati uestre in posterum prouidere uolentes apostolica auctoritate statuimus, ut nec uobis nec successoribus uestris aliquando liceat obedientiam de Campaniaco aut alias possessiones ecclesie uestre donare, uendere aut quomodolibet ab ipsa ecclesia alienare. Decernimus ergo, ut nulli omnino hominum liceat prefatum monasterium perturbare aut eius possessiones aufferre uel ablatas retinere, minuere seu quibuslibet uexationibus fatigare, sed omnia integra conseruentur eorum, pro quorum gubernatione ac sustentatione concessa sunt, usibus omnimodis profutura, salua diocesanorum episcoporum canonica iustitia. Si qua igitur in futurum ecclesiastica secularisue persona hanc nostre constitutionis paginam sciens contra eam temere uenire temptauerit, secundo tertioue commonita, nisi presumptionem suam congrua satisfactione correxerit, potestatis honorisque sui dignitate careat reamque se diuino iudicio existere de perpetrata iniquitate cognoscat et a sacratissimo corpore ac sanguine Dei et domini redemptoris nostri Iesu Christi aliena fiat atque in extremo examine districte ultioni subiaceat. Cunctis autem eidem loco sua iura seruantibus sit pax domini nostri Iesu Christi, quatinus et hic fructum bone actionis percipiant et apud districtum iudicem premia eterne pacis inueniant. Amen. Amen. Amen.
R. Ego Eugenius catholice ecclesie episcopus ss. BV.
Ego Conradus Sabinensis episcopus ss.
Ego Ymarus Tusculanus episcopus ss.
Ego Hugo Hostiensis episcopus ss.
Ego Gregorius presb. card. tit. sancti Calixti ss.
Ego Guido presb. card. tit. sancti Grysogoni ss.
Ego Hubaldus presb. card. tit. sancte Praxedis ss.
Ego Octauianus presb. card. tit. sancte Cecilie ss.
Ego Odo diac. card. sancti Georgii ad uelum aureum ss.
Ego Iacintus diac. card. sancte Marie in Cosmydyn ss.
Ego Gerardus diac. card. sancte Marie in uia lata ss.
Ego Bernardus diac. card. sanctorum Cosme et Damiani ss.
Dat. Rome apud sanctum Petrum per manum Bosonis sancte Romane ecclesie scriptoris IIII id. april., indictione Ia, incarnationis dominice anno Mo. Co. LIII, pontificatus uero domni Eugenii pape III anno VIIIIo.