Datierung: 1145-1147
Domino et patri suo E. Dei gratia su[mm]o pontifici I. Nanne[te]nsis humilis minister obedienciam cum debita reuerencia. Venerabilis M. abbas sancti Florencii super abbate Rotonensi et monachis eiusdem ecclesie, quod ecclesiam, que uocatur Bieneum, ad ius suum ex antiqua possessione canonice pertinentem contra iusticiam occupauera[t, frequenter et] sinodaliter in sinodo Nannetensi ad aures humilitatis mee conquest[us est. Ex cons]ilio equitatis controuersie utriusque partis canonicum finem impon[ere uolens utrique par]ti in sinodo pentecostali diem agendi adsignaui. Abbas uero sanct[i Florencii uenerabi]lem Steph(anum) priorem suum discretum et honestum uirum cum autenticis e[cclesie sue personis ad exe]quendum negocium suum aduersus abbatem Rotonensem auctori[tate sua munitum ad] prefatam sinodum misit. Rotonensis abbas neque per se neque per suos r[esponsurus agfuit.] Cumque abbas sancti Florencii de defectu grauiter conquereretur, pro b[ono pacis secundo] in festiuitate sancti Luce euangeliste utrisque terminum prefati negoci[i uigilanter prefi]xi. Abbas itaque sancti Florencii negociorum suorum impiger exequtor alii[s occupatus ca]usis prefatum priorem suum cum aliis personis uices suas in hoc negocio plena[rie habe]ntem ad designatum in festiuitate sancti Luce terminum mittere diligenter studuit. Rotonensis prorsus d[efic]iens defuit. Abbas autem sancti Florencii grauius in secundo defectu grauatus multo magis conqu[eri cepi]t dicens ex iudicio se possessione sua inuestiri debere. Salua pace sua, c[onsilii mihi f]uit, ut tercio Rotonensem abbatem conuenirem, quatenus sancti Florencii, secundum quod act[um erat, abbat]i responderet. Conuenire renuit dicens s[e] esse mecum de eiusdem ecclesi[e capellania] in causa et nisi prius mecum finita causa cum abbate sancti Florencii de eadem ecclesia [non disce]ptaret. Sic Rotonensem defecisse abbatem sanctitati uestre pro certo testificor. Conseruet uos incolumen ecclesie sue sancte omnipotens Deus.