Dating: 1145 05 08
Place of Composition: Viterbo
EVGENIVS episcopus seruus seruorum Dei. Dilectis in Christo filiabus P. abbatisse Eontis Euraldi eiusque sororibus salutem et apostolicam benedictionem. Que a fratribus nostris episcopis et aliis ecclesiarum Dei rectoribus pro pace et quiete religiosarum personarum rationabili prouidentia acta esse cognoscimus, tamquam nostra diligere uolumus et in sua stabilitate firmare. Concordiam itaque, que super controuersia inter uos et venerabilem fratrem nostrum U. Andegauensem episcopum diutius agitata per venerabiles fratres nostros Gaufridum Burdegalensem archiepiscopum, G. Carnotensem, G. Suessionensem, B. Sanctonensem et G. Pictauiensem episcopos ex mandato predecessoris nostri felicis memorie pape LVCII facta est, sedis apostolicae auctoritate firmamus et ratam manere censemus. Vt uidelicet prefatus episcopus tres archas, de quibus questio ext terat, quamdiu uixerit, quiete possideat. Abbatissa uero in exclusa monachorun sancti Sergii, que prope pontem est, medietatem eorum, que ibi monachi habent, optineat et similiter medietatem eorum, que in exclusa edificanda siue reedificanda necessaria er(unt), ponat. Post decessum uero episcop duae archae, quas monachi sua esse dicebant, in possessione abbatissae et sanctimonialium quiete et sine reclamatione permaneant. Tertia uero, que Uia publica nuncupatur, in eo statv, in quo per sexaginta annos ante hanc motam questionem extitit, perpetuo maneat. Predicta uero exclusa monachis tamquam illa, que eorum propria est, a sanctimonialibus immunis et absque omni inquietudine relinquatur. Si qua igitur in futurum ecclesiastica secularisue persona hanc nostrae confirmationis paginam sciens contra eam temere uenire temptauerit, secundo tertioue commonita, si non reatum suum digna satisfactione correxerit, honoris et officii sui periculo subiaceat atque omnipotentis Dei et beatorum Petri et Pauli apostolorum eius indignationem incurrat.
Dat. Biterbi VIII id. maii.