Datierung: 1062-1072 05 12
Ausstellungsort: Lateran
A(lexander) D(ei) g(racia) e(piscopus) s(eruus) s(eruorum) Dei.
B. salutem et a(postolicam) b(enedictionem). In ea libertate semper Romana stetit ecclesia, ut deuotos et fideles filios suos affectuosius diligeret et eos in suis bonis confoueret et maioribus semper beneficiis ampliaret. Deuocionem ergo tuam, karissime fili B., attendentes tuas preces pium duximus exaudire et istam petitionem tuam benignius adimplere. Tibi ergo auctoritate apostolica confirmamus ecclesiam de Monte sitam in Turonica diocesi et sancte ecclesie Romane patrocinio communimus. Si quis uero deinceps iniuste uel uiolenter inquietare de predicta ecclesia presumpserit, nouerit se iram Dei omnipotentis incursurum et, donec apostolorum limina uisitauerit et condigne satisfacturum se nostris conspectibus presentauerit, ab omnium earum introitu sequestratum. Datum Lat. IIIIo idus maii.