REGEST MABILLE: Gundoson vend à Widoland, abbé de Saint-Martin, et au couvent du dit lieu, ce qu’il possédait en Allemagne, dans le Brisgaw, au lieu appelé Chantra, sur la rivière dite Hantia, pour la somme de 30 sols, qu’il déclare avoir reçus du trésor de Saint-Martin, et dont il se tient pour bien payé. Il condamne à une amende de 60 sols d’or quiconque réclamera contre la présente vente ou tentera de venir à l’encontre.
REGEST EDITION: Vendit S. Martino Gundoson terras in Alamannia sitas.
Datierung: MABILLE: 733 06 28; EDITION: 733
EDITION: Hauréau, Bartholomaeus (Hg.): Gallia Christiana in provincias ecclesiasticas distributa; in qua series et historia archiepiscoporum, episcoporum et abbatum regionem omnium quas vetus Gallia complectebatur, ab origine ecclesiarum ad nostra tempora dedecitur, et probatum ex authenticis instrumentis ad calcem appositis, Paris 1856 (Gallia Christiana 14), Sp. 6-7, Instr. 4.
Domino venerabili et in Christo patri Widolando, abbati de basilica S. Martini, Turonicae civitatis, ubi ipse pretiosus domnus in corpore requiescit, vel omni congregationi ibidem consistenti, ego enim Gundoson. Constat me vobis vel partibus ipsius basilicae vendidisse et ita vendidi portionem meam, rem proprietatis meae, in loco nuncupato Chantra, super fluvium Hantra, in patria Alamannia, sitam in pago Brisigausinse, quantamcumque ibidem tam de alode parentum quam et de comparatu, seu de quolibet adtractu habere videor, vel mea praesenti tempore inibi videtur esse possessio, totum et ad integrum, hoc est cum terris, mansis, casis, domibus, aedificiis, accolabus, mancipiis, vineis, silvis, campis, pratis, pascuis, aquis aquarumque decursibus, farinariis, mobilibus et immobilibus, pecuniis, peculiis, rem quaesitam et inquirendam, per hanc venditionem in die praesente vobis trado atque transfundo. Unde accepi a vobis pretium de thesauro ipsius sancti, in quo mihi bene complacui, hoc est solidos XXX; quod pretium in manu mea accepi, et memoratam rem vobis tradidi, ita ut ab hodierna die quidquid exinde vos aut successores vestri vel pars praefatae basilicae S. Martini elegeritis, faciendi jure proprietario liberam et firmissimam in omnibus habeatis potestatem. Si quis vero, si ego ipse, aut ullus de haeredibus vel prohaeredibus meis, seu qualibet opposita persona quae contra hanc venditionem, quam ego, nullo cogente, sed mea spontanea voluntate scribendam rogari, venire, aut agere, vel refragare temptaverit, solidos LV auri ad purum excocti fisci vestris partibus, aut successorum vestrorum, vel partibus basilicae S. Martini ejusque congregationi, cui litem intulerit, componat, et sua repetitio nullum obtineat effectum; sed haec venditio meis, vel bonorum hominum manibus roborata, cum stipulatione inserta, longo tempore maneat inconvulsa.
Signum Gundoson, qui hanc venditionem fieri et firmari rogavit.
Data IV cal. Julias, anno XIII regni Theoderici regis.
Ausinus clericus scripsi et subscripsi.