REGEST MABILLE: Biens donnés en précaire à Gumbert et à sa femme Bertais. Gumbert et sa femme Bertais donnent à Saint-Martin un manse seigneurial avec ses dépendances, situé en Hainaut, au lieu dit Villa Petia, dans la vicaria Banciacensis, un autre manse seigneurial avec une église dédiée à Notre-Dame et un moulin situés dans le Brabant, et un troisième situé dans le pays et dans la Vignerie de Tournay, sur le bord de l’Escaut. Les donateurs réçoivent de l’abbé Robert ces mêmes biens en précaire à la charge de payer un cens annuel à la Saint-Martin d’hiver.
REGEST EDITION: Dieses Regest ist nicht öffentlich zugänglich.
Datierung: MABILLE: 914 05 30; EDITION: 914 05 30
EDITION: Bautier, Robert-Henri (Hg.): Recueil des actes de Robert Ier et de Raoul rois de France (922-936), Paris 1978 (Chartes et diplômes relatifs a l’histoire de France 13), S. 187-199, Nr. 48B.
Nos igitur, in Dei nomine, Rotbertus, gregis atque rerum incliti confessoris Christi beati Martini abbas, necnon et filius noster Hugo, cui post nos cum seniore nostro rege Karolo omnes honores nostros impetratos habemus, percognitum et manifestum esse volumus successoribus nostris ejusdem Sancti Martini abbatibus, quoniam accesserunt ad nos familiaritatis quidam pernobiles ac Deo devoti homines, Gumbertus scilicet et uxor ejus Bertaidis, offerentes Deo et sancto confessori ejus domino nostro Martino ob remedium animarum suarum suorumque infantium, more precario, res quasdam ipsorum proprias, id est mansum .I. indominicatum cum terris cultis et incultis, pratis, silvis, culturis dominicatis, pascuis et farinario, ad quem pertinent alii mansi .V., similiter cum omnibus eorum utilitalibus et adjacentiis, cum mancipiis utriusque sexus in eisdem commanentibus, Eringerio videlicet et Gerbaldo et uxore ejus Ermengardi, Godoino etiam, Ingilgerio et uxore ejus Adalburgi, Brodino denique et uxore ejus Gelia, Adalardum insuper atque Supplicium, et cum omnibus aliis rebus predicto manso pertinentibus et camba .I.; est autem ipse mansus, ad quem alii pertinent, situs in pago vel comitatu Hainoense, in vicaria Banciacinse, in villa Apeiz vel Petia perpetualiter habendum. Obtulerunt eidem sancto Martino, in alio loco, alterum mansum illorum indominicatum, cum aecclesia constructa in honore sanctae Mariae, cum terris cultis et incultis, silvis, pratis, aquis, pascuis et aliis mansis ad ipsos pertinentibus et cum mancipiis eisdem pertinentibus, Franchin, Magenfrid, Leutgard, Ragenein, Brodechin, Gelege, Ottoart, Edram, et molendino .I., situm in pago Bracbantisse, in villa Guatremal similiter perpetualiter habendum. Dederunt etiam, in tercio loco, mansum tertium indominicatum situm in comitatu vel pago Tornacensi, in vicaria Tornaico super ripam Scalti fluminis, in villa Guisline, cum terris cultis et incultis, pascuis, pratis, aquis aquarumque decursibus et molendino, silvis et omnibus aliis adjacentiis inter praescriptos dominicatos mansos alios mansos .V. ad ipsos pertinentes, cum omnibus eorum adjacentiis et utilitatibus, perpetualiter possidendos. Simulque pariter precabantur, ut ex rebus Sancti Martini, cujus defensores et abbas esse videbamur, mansum .I. indominicatum sed ex .XXX. retro annis a Normannis penitus destructum et inhabitabilem, cum campis, silvis, pratis, pascuis et cum locis duobus, ad duas aecclesias, quae quondam ibi fuerant, reaedificandas, unam in honore sanctae Farehildis et alteram in honore sancti Salvii, situm in pago et in comitatu Austrobannensi super fluvium Scaldi in villa Lancianis, cum aliis sex mansibus ad ipsum pertinentibus et mancipiis ad ipsos aspicientibus .XX., quorum haec sunt nomina: Ingelbert, item Ingelbert, Erad, Guarembert, Guitbert, Salamon, Teinbalt, Aldon, Restet, Sicart, Adalven, Aleuvim, Tateled, Dominicus, Hucbertus, Ledeuvart, Bernehart, Sigebalt, Areuvelt, Farcinta, Deodata, Rotberga, et omnibus aliis rebus ipsis pertinentibus; ipsos etiam tres ipsorum mansos indominicatos supradictos, cum .X. aliis mansis, quos Sancto Martino condonabant ad ipsos aspicientibus, eis et duobus tantum infantibus ipsorum, Stephano videlicet et Gunberto, per consensum Sancti Martini canonicorum nostrorum aliorumque fidelium sub censuum institutione concederemus. Quorum deprecationem non indebitam cognoscentes, concessimus eis praescriptas res, omnes ipsas videlicet, quas Sancto Martino condonabant, ipsas sub omni integritate, quas ex rebus Sancti Martini possidebant, in quibuscumque adjaceant locis, eo siquidem rationis ordine et tenore, ut studeant ipsi, et post discessum ipsorum, duo praescripti Stephanus videlicet atque Gunbertus reddere annis singulis ad usus canonicorum Sancti Martini, cujus res esse videantur, licet in nostrum dominium teneantur, ad missam ipsius hyemalem solidos .C., et sic diebus quibus advixerint et, qualiscumque ex ipsis .IIII. superstes extiterit, quieto illos ordine cum omni emelioratione teneant et possideant. Si autem ex instituto censu negligens aliquis extiterit, id ipsum eis emendare liceat, et quod tenuerint, non amittant. Signum sanctae crucis domni Rotberti abbatis qui hanc precariam fieri et affirmare rogavit. Signum Hugonis, filii sui, qui sub eodem eam firmavit. Tetolo, sacerdos et decanos, subscripsi. Odilmarus, sacerdos, subscripsi. Rotbertus, diaconus et archiclavis, subscripsi. Armannus subscripsi. Gualterius subscripsi. Frotherus. Gerardus. Signum Erberti, comitis. Signum Gauzlini, comitis. Signum Hervici, Sancti Martini advocati. Signum Fulconis, vicecomitis. Signum Gulfardi. Data est autem hujus precariae auctoritas .III. kal. junii, in civitate Turonis, in pleno fratrum capitulo, anno .XVII. regnante domno Karolo rege. Ego Archanaldus, levita ac scolae magister, scripsi et subscripsi. AMHN.