REGEST MABILLE: Louis VI le Gros, à la demande d’Eudes, doyen de Saint-Martin, de Foucher, chantre, de Sichard, maître des écoles, et autres chanoines du dit lieu, donne et confirme aux dits chanoines le bourg et l’église de Saint-Pierre-Puellier, situés hors des murs du Château-Neuf, avec la chapelle de Saint-Michel, et tout ce que la reine Bertrade avait possédé en Touraine par don du roi Philippe son père, savoir: la moitié du port de Saint-Cyr, du droit de tonlieu sur les marchandises arrivant par terre ou par eau, et de la taxe des Juifs, le droit de vente du pain et du vin dans la cité, une moitié du bois de Plante, etc.
REGEST EDITION: Dieses Regest ist nicht öffentlich zugänglich.
Datierung: MABILLE: 1119; EDITION: 1119 [10 5-18]
EDITION: Bautier, Robert-Henri (Hg.): Recueil des actes de Louis VI roi de France (1108-1137), Tome Premier, Actes antérieurs à l’avènement et 1108-1125, Paris 1992 (Chartes et diplômes relatifs a l’histoire de France 14.1), S. 319-321, Nr. 155.
In nomine sancte et individue Trinitatis. Ludovicus, Dei propitiante clementia Francorum rex. Cum locis divino cultui mancipatis ob divine servitutis amorem opem congruam ferimus ad sublevendas Dei servorum commoditates atque utilitates et regum morem decenter implemus et id nobis profuturum ad eterne remunerationis premia capessenda veraciter credimus. Idcirco notum esse volumus omnibus sancte Dei Ecclesie nostrisque fidelibus, tam presentibus quam futuris, quoniam nostri culminis adierunt serenitatem Odo, beati Martini patroni nostri decanus, Fulcherius cantor, Sicardus magister scolarum, cum quibusdam concanonicis suis, vice totius capituli rogantes ac obnixe deprecantes quatinus, ob remedium anime nostre predecessorumque nostrorum, communi capitulo Beati Martini ecclesiam Sancti Petri extra murum, que modo Puellaris dicitur, et burgum, quoniam ejusdem ecclesie juris videbatur, capellam quoque Sancti Michaelis et omnia ad ecclesiam et burgum pertinentia, quicquid etiam Bertrada regina a Philippo, patre nostro, in pago Turonico tenuit et possedit, videlicet partem quam in portu Sancti Cirici habebat et in teloneo et in Judeis, in ponte et in aqua, in bello et in venditione carnis et panis in civitate, partem quoque nemoris scilicet Splente, prata et farrem avene ultra Charum fluvium, Aureum Palum et pasnagium ovium redderemus atque donaremus. Quorum petitionem misericorditer amplexus, ecclesie Beati Martini et communi capitulo hec omnia supradicta quieta ac jure perpetuo possidenda damus et concedimus. Verum ut hoc ratum et firmum permaneat in sempiternum, presens scriptum sigilli nostri auctoritate et nominis nostri caractere firmari et corroborari disposuimus, assistentibus nobis Gauffrido Carnotensi, Johanne Aurelianensi et Clarembaldo Silvanectensi episcopis.
Actum castro Pictesedi, anno incarnati Verbi MCXVIIII, regni nostri XII, Adelaidis regine V.
Astantibus in palatio nostro quorum nomina subtitulata sunt et signa. S. Guillelmi dapiferi. S. Hugonis constabularii. S. Gisleberte buticularii. S. Guidonis camerarii.
Data per manum Stephani cancellarii.