REGEST MABILLE: Charles-le-Chauve, à la demande de l’abbé Hugues, son parent, prend sous sa protection les villa de Léré en Berry et de Marsat en Auvergne, appartenant au monastère de Saint-Martin. Hugues représente à l’Empereur que ces villa ont été données aux religieux pour leur servir de lieux de refuge et que les chanoines s’y sont déjà retirés devant les invasions des Normands, mais que ces possessions ont été plusieurs fois envahies à main armée et mises au pillage par les gens de guerre ; Charles-le-Chauve déclare qu’il entend qu’à l’avenir ces villes soient respectées et que nul ne puisse y exiger ni droit de gîte ni commettre d’exaction de quelque espèce qu’elle soit.
REGEST EDITION: Dieses Regest ist nicht öffentlich zugänglich.
Datierung: MABILLE: 869 01 30; EDITION: 869 01 30
EDITION: Tessier, Georges (Hg.): Recueil des actes de Charles II le Chauve, Roi de France. Tome 2, Paris 1952 (Chartes et diplômes relatifs a l’histoire de France 8), S. 201-203, Nr. 319.
In nomine sanctae et individuae Trinatis. Karolus gratia Dei rex. Cum enim fidelium regni nostri rectis petitionibus aurem clementiae nostrae dignanter accommodamus, regiae celsitudinis morem exercere videmur ac per hoc promptiores erga nostrae fidelitatis obsequium eosdem procul dubio reddimus. Igitur noverit omnium sanctae Dei Ecclesiae fidelium nostrorumque, tam praesentium quam et futurorum, industria quia veniens quidam reverendus sancti Martini, confessoris Christi, Hugo abba nosterque propinquus innotuit celsitudini nostrae qualiter quaedam praefatae ecclesiae sibi commissae villae, id est in pago Bituricensi Leradus et in Arvernico Marciacus saepissime a non recte volentibus invaderentur ac tamquam sub hostili militia mansiones ibidem acciperentur et nimia crudelitate, se absente, depraedarentur. Unde, quia praefati coenobii venerabiles canonici in jam dictis villis ob infestationem paganorum refugium habere saepius consuescunt, petiit humiliter magnificentiam nostram quatinus ab eisdem villis cunctisque sibi pertinentibus finibus talia infanda talesque praesumptiones nostrae auctoritatis praecepto removeremus. Cujus humillimam petitionem cognoscentes libenter suscepimus atque hoc nostrae praecellentiae praeceptum fieri jussimus, per quod praecipimus atque jubentes firmamus ut nemo fidelium totius regni nostri in praefatis villis seu in omnibus ad eas juste legaliterque pertinentibus finibus mansionem more hostili aut alia qualibet occasione iter agens accipere praesumat nec aliquam depraedationem aut vim inferat, quae justis legibus agi prohibentur, sed, omnibus inquietudinibus remotis, liceat memoratis fratribus successoribusque illorum in eisdem villis propria ordinatione, Domino adjuvante, securiter perfrui. Ut autem haec nostrae jussionis auctoritas per futura tempora firmior habeatur, anuli nostri impressione subter eam jussimus sigillare.
Signum Karoli gloriosissimi regis.
Hildeboldus notarius ad vicem Gosleni recognovi et subscripsi.
Data III kal. febr., indictione II, anno XXVIIII regnante Karolo gloriosissimo rege. Actum Coneda vico super Ligerim. In Dei nomine feliciter. Amen.