La Pancarte Noire de Saint-Martin de Tours, brûlée en 1793, restituée d’après les textes imprimés et manuscrits, Nr. 50
(EDITION: Tessier, Recueil Charles II, S. 315-317, Nr. 119.)
REGEST MABILLE: Charles-le-Chauve donne au comte Eudes, son fidèle, la villa de Nogent, située dans le pays d’Othe, c’est-à-dire cinquante manses avec toutes leurs dépendances.
REGEST EDITION: Dieses Regest ist nicht öffentlich zugänglich.
Datierung: MABILLE: 849 10 11; EDITION: 849 10 11
EDITION: Tessier, Georges (Hg.): Recueil des actes de Charles II le Chauve, Roi de France. Tome 1, Paris 1943 (Chartes et diplômes relatifs a l’histoire de France 8), S. 315-317, Nr. 119.
In nomine sanctae et individuae Trinitatis. Karolus gratia Dei rex. Regalis celsitudinis moris est fideles suos donis multiplicibus et honoribus ingentibus honorare atque sublimare. Proinde morem parentum regum videlicet praedecessorum nostrorum sequentes, libuit celsitudini nostrae quendam fidelem nostrum, Odonem, dilectum nobis comitem atque ministerialem nostrum, de quibusdam rebus nostrae proprietatis honorare atque in ejus juris potestatem liberalitatis nostrae gratia conferre. Idcirco noverit experientia atque industria omnium fidelium nostrorum, tam praesentium quam et futurorum, quia concedimus eidem fideli nostro Odoni, dilecto nobis comiti atque ministeriali nostro, ad proprium quasdam res juris nostri sita in pago Otminse, in villam Novientum, mansos scilicet quinquaginta. Memoratas res cum omni integritate vel eorum appendiciis, cum domibus, aedificiis, mancipiis, terris, vineis, pratis, silvis, aquis, farinariis, aquarumve decursibus, vel etiam quicquid ad supradictas res juste et legaliter pertinere videtur, praedicto fideli nostro Odoni dilecto nobis comiti atque ministeriali per hanc nostrae auctoritatis conscriptionem concedimus et de nostro jure in jus ac potestatem illius sollempni donatione transferimus, ita videlicet ut quicquid ab hodierna die et tempore exinde pro sua utilitate atque commoditate jure proprietario facere decreverit, liberam in omnibus habeat potestatem faciendi, donandi, vendendi seu commutandi et heredibus relinquendi. Et ut haec nostrae largitionis atque donationis auctoritas perpetuam obtineat firmitatem, manu nostra subter firmavimus et anuli nostri impressione signari jussimus.
Signum Karoli gloriosissimi regis.
Jonas diaconus ad vicem Hludowici recognovit et subscripsit.
Data V idus octobris, anno X, indictione XII, regnante Karolo gloriosissimo rege. Actum Narbona civitate. In Dei nomine feliciter. Amen.