REGEST MABILLE: Charles-le-Chauve confirme les biens affectés à la manse des chanoines. Le chapitre de Saint-Martin présente au roi le diplôme par lequel Louis-le-Débonnaire, son père, à la prière de l’abbé Fridegisc, avait confirmé à la manse des chanoines certaines terres et propriétés dont les revenus dévaient être employés à subvenir aux besoins des chanoines et le prie de le renouveler. Charles-le-Chauve, donnant une nouvelle force au diplôme, ordonne que ces terres seront administrées conformément aux dispositions du diplôme de Charlemagne, ainsi qu’elles l’étaient sous les abbés Autlandus, Wulfard et Ithier, et que leurs revenus seront intégralement affectés à la manse des chanoines, et que nul ne pourra les détourner pour un autre usage. Quant aux autres villes qui n’ont point été attribuées à la dite manse, et celles qui ont été données en bénéfice, elles doivent acquitter régulièrement les redevances en oeufs et en volailles, auxquelles elles sont tenues. Le prince maintient également l’ordonnance rendue par Louis-le-Débonnaire (n. XX), et par laquelle les chanoines doivent toucher le tiers des offrandes faites au tombeau de Saint-Martin, par les fidèles, à l’exception de la cire et de l’huile qui sont entièrement réservées pour le luminaire. Enfin, il confirme la disposition par laquelle le monastère de Saint-Martin est déclaré exempt de la juridiction de l’archevèque de Tours.
REGEST EDITION: Dieses Regest ist nicht öffentlich zugänglich.
Datierung: MABILLE: 845 01 05; EDITION: 844 01 05, 845 01 05
EDITION: Tessier, Georges (Hg.): Recueil des actes de Charles II le Chauve, Roi de France. Tome 1, Paris 1943 (Chartes et diplômes relatifs a l’histoire de France 8), S. 173-177, Nr. 61.
In nomine sanctae et individuae Trinitatis. Karolus gratia Dei rex. Si locis Deo dicatis quiddam honoris conferimus et Deo in his famulantium pacis et tranquillitatis curam gerimus et ad ministerium suum liberius exequendum opem ferimus, hoc nobis procul dubio ad statum praesentis regni corroborandum et ad perennis vitae beatitudinem capessendam profuturum esse non ambigimus. Quapropter notum fieri volumus omnibus sanctae Dei Ecclesiae fidelibus et nostris, praesentibus atque futuris, quia fratres ex congregatione sancti Martini obtulerunt excellentiae celsitudinis nostrae auctoritatem genitoris nostri, in qua continebatur quomodo ipse eis concessit villas ad eorum stipendia pertinentes, secundum deprecationem Fridegisi, quondam abbatis ipsius sancti loci, in quo beatus Martinus corpore requiescit, deprecatique sunt ut, secundum quod continebatur in auctoritate genitoris nostri, et nos eis auctoritatem ex nostra potestate regali fieri juberemus, per quam ipsas villas quieto ordine ad eorum stipendium et usus absque ullius inquietudine tenere et possidere potuissent cum omni integritate diuturnis temporibus ad servitium omnipotentis Dei vel beati Martini liberius peragendum et pro nobis etiam et genitore nostro ac insigni prosapia clementiam Dei exorare liberius potuissent. Quorum petitionibus libenti animo adquievimus, nostris etiam futurisque temporibus mansurum esse volumus videlicet ut villas quae a genitore nostro, suggerente Fridegiso quondam abbate, illis ad eorum stipendium vel sumptus necessarios concessae sunt, tenere et possidere absque ullius inquietudine, remota totius judiciariae potestatis inquietudine, Domino opem ferente, valeant, vel etiam sicut tempore avi nostri bonae memoriae Karoli invictissimi augusti fuit et sicut ab illustribus viris Autlando, Vulfardo et Itherio, olim ejusdem loci abbatibus, Domino ministrante, dispositum est ad eorum stipendium et sumptus, ut deinceps nec nos nec ullus loci ipsius rector quicquam ex ipsis villis abstrahere vel minuere praesumat, nullius saeculi inquietudinibus praepedientibus nec hostililatibus arma subripientibus. Volumus etiam ut tertia pars de reliquis villis quae in beneficio datae sunt ex volatilibus cum ovis eisdem fratribus ministretur. Decernimus etiam atque eisdem fratribus concedimus, qui et praesenti tempore ibi degere et futuris temporibus ad inhabitandum et Deo deserviendum aggregari voluerint, ut de omnibus quae ad sepulchrum beatissimi patroni nostri sancti Martini a Deum timentibus offeruntur, tertiam partem accipiant ad necessitates sibi consulendas, exceptis de his vestimentis et speciebus quae ad sepulchrum illius, decoris et honestatis causa, perpetuo retinenda erunt. Cera autem et oleum ad luminaria in eadem ecclesia concinnanda decernimus [ut] retineantur. Statuentes ergo per hanc nostram auctoritatem praecipimus ut nullus praelatorum aut actorum hujus monasterii patroni nostri beatissimi Martini hanc nostram concessionem atque statuta convellere aut in alium modum immutare praesumat sed perennibus temporibus inviolabiliter ea conservent et suis conservari faciant. Insuper etiam constituimus atque perenniter firmum ac stabile fore decernimus ut in praefato monasterio sive fratribus ipsius loci praesens episcopus Turonicae sedis non plus dominari praesumat aut licentiam dominandi habeat aut aliquid certe novi introducat seu quicumque ejusdem urbis successor extiterit, nisi sicut praecessores sui tempore avi ac genitoris nostri atque tempore antecessorum nostrorum regum Francorum fecerunt, sed ipso eodemque modo caritatis atque dilectionis jam memoratis fratribus in Deo vivat absque qualibet novitatis aut inventionis propriae molestia. Et ut haec nostrae auctoritatis praeceptio perpetuo conservetur et a fidelibus Dei et nostris verius credatur ac diligentius conservetur, manu nostra propria subter firmavimus et anuli nostri impressione signari jussimus.
Signum Karoli gloriosissimi regis.
Bartholomaeus notarius ad vicem Hludowici recognovit et subscripsit.
Data nonas januarii, anno quinto regnante domno Karolo gloriosissimo rege, indictione septima. Actum Turonis in monasterio sancti Martini. In Dei nomine feliciter. Amen.