Datierung: (748-788)
In Christi nomine Ego itaque Gotahelm cogitavi pro anima mea seu pro redempcione anima patris mei vel matris meae secundum voluntatem dei mei cum consensu domino meo Tassilone trado vel transfundo hereditatem meam ad sanctum Michahelem in loco nuncupante Maninseo post obitum meum in locis nuncupantibus ad Samitun, Poh, Forhanpah excepto, ut soror mea vocata Gepahilt, si supervixerit mae licenciam ad Pohhe, victum et vestimentum, [habeat] et ad sanctum Michahelem servire vite sue, excepto nuncupantibus Hitto, Adallant, Heripald, Nordpald, alios vel alias cum casas curtesque casadas, silvis, campis, agros, pratis, aquis aquarumve decursibus, viis, pascuis, cum omnia dicencia, quod ad eodem locis pertinet Post obitum meum firmiter ac stabiliter haec tradicio permaneat, et locum meum in eodem monasterio concessum mihi firmiter sit Si quis haec frangere voluerit, inprimitus iram dei omnipotentis incurrat et omnium sanctorum, et a limitibus eclesiaae extraneus efficiatur, [et habeat] partem cum Iuda traditore et causam cum sancto Michahelo ante deum in die iudicii