Bertha, des Grafen Volcmar Wittwe, schenkt dem h Maximin die Villa Mutford
Datierung: 996
In nomine s. et individue trinitatis Uolcmarus dei gratia abbas Noverit omnium industria fidelium tam presentium quam et futurorum qualiter religiosa femina domna Bertha viri illustris Uolcmari comitis relicta et per semetipsam et strennuissimos internuncios Beringerum videlicet fratrem suum s. Treuerice sedis corepiscopum et comitem Henricum monasterii nostri advocatum aliosque viros nobiles adierit nos fratresque nostros cenobitas sc s. Maximini Christi confessoris qui in suburbio Treuerice civitatis requiescit postulans quasdam villas utilitatemque monasterii nostri in prerarium ins sibi debere concedi. Nos vero utilitatibus monasterii nostri successorumque nostrorum consulentes detrimentumque penurie nostre pre illorum commoditate paruipendentes prefatis peticionibus aures nostre consensionis accomodavimus. Dedit itaque nobis, quod et nos recepimus per manum prenominati advocati nostri comitis Henrici in pago Moselensi in comitatu Waldeleuinga cui Gisilbertus comes preesse videtur villam Mudenfort nominatam quam sibi prefatus senior suus comes Uolcmarus in dotalicium dederat eique exinde potestatem quicquid facere vellet concesserat et usque ad terminum vite sue alisque ullius contradictione multorum testimonio confirmaverat firma astipulatione cum ecclesia omnique eius decimatione et casa dominicali cum XII mansis iugenuilibus et XX servilibus cum omnibus ad cam pertincutibus tam in mancipiis quam in edificiis vineis silvis pratis pascuis molendinis mobilibus et immobilibus aquis aquarumve decursibus cultis et incultis exitibus et reditibus. Dedimus ei econtra in precario per manum sepenominati advocati nostri comitis Henrici in eodem pago et comitatu villam Dalheim nominatam cum ecclesia et eius decimatione et manso dominicali cum XII mansis ingenuilibus et XX servililbus et inter villas Burmeringa et Drufteleuinga X mansos serviles cum omnibus ad eam pertinentibus tam in mancipiis quam in edificiis vineis silvis pratis pascuis molendinis mobililius et inmobilibus aquis aquarumve decursibus cultis et incultis exitibus et reditibus. Ea scilicet ratione ut quod dedit et accepit more precario usque ad terminum sue solius vite possideat. Post obitum vero illius in perpetuos usus predictorum s. Maximini cenobitarum omnia cum integritate absque ullius contradictione redeant. Insuper etiam preter predictum precarie ius ad dies vite sue singulis annis IIII carradas vini nostra largitate ei accomodavimus. Si quis vero vel coheredum prefate religiose domne Berthe vel senioris quondam sui comitis Uolemari hanc precarie tradicionem infringere voluerit vel adnichilaverit domna Bertha legibus coacta aut presentis astipulationem tradicionis sanctiat aut in codem comitatu tantundem vel sicut moris est in proximo duplum in tercio triplum restitvat aut advocatus noster quia hec omnia gessimus eius consilio et instinctu si negligens exactor exstiterit prefate tradicionis vel retribucionis ne advocatie negligentia feriatur detrimentum monasterii de suo componat. Acta est hec tradicio publice in eodem comitatu in loco Wafeneshant dicto me astante aliisque cenobii nostri fratribus sub fideiussoribus quos vulgo saliburgiones vocamus Bertrammo Betone Gisilberto Hildrado coram testibus quorum hec sunt nomina: Friderich comes Bolso Winrich Luzo Fridelo Rudolf Wiserich Embricho Thietbolt Diefrit Isvvart Rupret Norpreth Wikelin Wolcmar Volker et quamplures alii. Anno dominice incarnationis DCCCCXCVI. Regni autem domni Ottonis tercii XIII imperii vero I indictione VIIII.