Irminard schenkt dem hl. Maximin sein Gut zu Heisdorf nach seinem Tode
Datierung: 993–96
In nomine s. et individue trinitatis Noverit onmium industria in Christo fidelium tam presentium quam et futurorum me Yrminardum propriis animo corporisque utilitatibus providentem tradidisse s confessori Christi Maximino qui in Treuirorum requiescit suburbio mei iuris possessioncm hereditaria mihi parentum meorum successione provenientem in comitatu Ardenensi qui Henrici comitis subiacet procurationi in valle Alsunciensi in villa Hekesdorph quicquid ibi visus sum habere tam in mancipiis quam in edificiis, vineis, terris cultis et incultis silvis pratis pascuis exitibus et reditibus viis et inviis ea scilicet ratione ut eandem possideam usque ad terminum vite mee et a provisoribus cenobitarum predicto confessori Christi famulantium qui nunc venerandi abbatis Folcmari subduntur regimini omni anno mihi dentur due carrade vini ante festivitatem s. Martini et due denariorum libre ante domini natale et silve pastionem iuris eorum ad predictam villam Hekesdorph aspicientem Post obitum vero meum totum absque ullius contradictione possideant Mancipia quoque que trado et posteri eorum si in eadem villa sederint vel nupserint tali libertate et servicio perfruantur sicut cetera confessoris Christi inibi manens familia. Si qui vero foris nupserint vel manserint vel alias vagati fuerint unusquisque eorum in festivitate s. Maximini persolvat unam denariatam cere pro remedium anime mee. Si quis vero propinguorum meorum hanc tradicionem infringere voluerit inprimis iram omnipotentis dei incurrat et quod machinatur non efficiat coactusque erario regis X auri et C argenti libras persolvat. Si vero a provisoribus predicti cenobii hic prenominata summa mihi fuerit denegata vel contra voluntatem meam fuerit detenta vel minerata aut hec tradicio fiat irrita aut advocatus eorum mihi legitime componat. Acta est tradicio Treviris publice in monasterio s. Maximini astante predicto venerabili abbate eiusdem loci Folcmaro ceterisque inibi deo famulantibus monachis. Me Yrminardo hanc tradicionem stipulante sub fideiussoribus quos uulgo saleburgiones vocamus Hildrado Gozberto Thiedone Dudone Rudolfo coram testibus Thietfrido Rauengero Otperto Wiserico et multis aliis