Erzbischof Egbert schenkt den hl. Paulin zu Trier einen kleinen Ersatz für die Güter zurück, welche demselben entzogen worden waren
Datierung: 981
In nomine sanctae et individuae trinitatis. Noverit omnium in Christo fidelium tam presentium quam futurorum industria quod ego Ekebertus divina favente clementia Treuericae sedis archiepiscopus videns ufw, wie in Nro 254 bis zum Zeichen * (monasteria et ecclesias nostrae diocesis omnibus aecclesiasticis usibus a diebus antecessorum nostrorum usque ad nostra tempora miserabiliter desolatas atque in id redactas ut vix esset spes eas reparandi placuit si non omnibus possem saltem aliquibus pro posse succurrerem Satius ducens quasdam ex illis meis diebus restaurare quam omnes neglectas relinquere quod nunquam convenientius aut stabilius fore credidi quam si unicuique loco propriam terram ut antiquitus statutum et concessum est deliberarem. Cumque in hoc minime prevalerem nec desiderii mei compos in hac re effici possem presertim cum ipsius episcopii maxima pars militibus esset in beneficium distributa ita ut nulli locorum propria hereditate prodesse possem. Illud incidit consilii quatenus ex aliorum terra locorum sumerem unde aliquid ad manum meam tenui quo alia reedificarem unde nichil habui. Quod factum stabile et firmum ea volui conditione ut nichil ex his que taliter ecclesiis contuleram vel a me vel a quovis successorum meorum divelleretur nisi aut melius aut eque bonum vice eius restitueretur) Hoc etiam pacto quicquid Liutwinus dux in monachum conversus et postea huius sedis sacer archiepiscopus in Branbach et in Birkenvelt in ecclesiis aut in omnibus appendiciis aliis ad habendum fratribus deo et s. Paulino servientibus contulit et quidquid Dagobertus orthodoxus rex francorum scilicet Billike cum Sulmana et Rula et Nuvelae cum ecclesiis ac cum omnibus rite ad eadem loca pertinentibus de suo hereditario iure eidem beatissimo confessori contradidit. Et quecunque Ludewicus pius imperator videlicet Mazzolthere cum ecclesia ibidem sita et cum omnibus appendiciis de sua proprietate prefato sancto firma donatione concessit. Et quicquid Hethti archipresul predecessor noster in loco Waderola dicto et Reinoniscampo de suo indominicato subtrahendo supradictis fratribus dedit. Et quecunque loca s. Paulino iniuste prius ablata serenissimus rex Henricus iuste reddidit Videv scilicet cum aecclesia Roscheit cum aecclesia Waltrach cum aecclesia Waderola cum aecclesia et cum appendiciis suis in Castheneith quoque picturas quatuor in Bubiaco picturas tres cum omnibus ad easdem rite pertinentibus. Et quicquid Rabodus archiepiscopus antecessor noster capellam scilicet in loco Wilre dicto cum ipsa villa et cum omnibus appendiciis suis et omnem indominicatam decimationem in villa Nouiant similiter in Gaurici campo ecclesiam mansos cum omni integritate de sua proprietate s. Paulino conscripsit. Quia omnia supradicta predia partim in beneficium militibus distributa partim ad usus nostros ad mensas et ad servicium constituta monasterio unde ablata fuerant restitvere non potui alias possessiones ad usus et ad servicium nostrum pertinentes eidem loco pro restauratione concessi. Itaque de beneficio Luthardi comitis quod michi ipso mortuo sine herede aliquo ad proprios usus contigit quicquid in villa Kerue et in Serchenich Lorreke et Hederichsrode atque Ceruia et Grimolderode habui fratribus deo et s Paulino famulantibus tali sub condicione contradidi ut neque advocatus aliquis neque laicalis aliqua vel mumdana potestas et super hiis que in valle treuerica vel ubicunque sint sita ad usus fratrum pertinentia habeat potestatem aliquam regendi defendendi iudicandi nisi ipsius loci prepositus dum debita fratribus amministrat stipendia et ego et posteri mei archiepiscopi cum stola sua si opus fuerit adversum potentes vel rebelles personas. Et quia earundem possessionum summa a nobis restituta vix ad decimam partem pervenit bonorum que fuerant ablata! ne propter rei familiaris inopiam monasteriale dilaberetur edificium communi consilio fidelium nostrorum clericorum et laicorum michi atque successoribus meis id deinceps constitui atque banno meo confirmavi agendum ut eadem cura eademque diligentia et sollicitudine qua domum b. Petri edificant! et huic monasterio trabes laquearia fenestras ponant! casulis dalmaticis cappis vetustate consumptis meliores restitvant preposito ipsius monasterii cetera in edificiis procurante! custode vero lineas vestes in ecclesia utendas reparante. Hanc tradicionem feci et scripto confirmavi in festivitate s. Paulini ad altare ipsius Sancti in celebratione vero missarum eiusdem sollempnitatis post consecrationem eucharistie coram multis astantibus corpus dominicum accepi in manus inprecans anathematizando ut quicunque aut propria potestate aut aliorum instinctu ex eodem monasterio quicquid sibi ante vel tunc vel postea datum aut constitutum sit subtrahere vellet idem corpus dominicum illi in dampnationem proveniret nisi ei aliud melius vel quod tantumdem valeret vicissim conferret. Hanc kartam Ego Ekebertus archiepiscopus ipsa die sollempnitatis consctiptam astante clero et populo recitari iussi! et signi nostri impressione atque proprie manus subscriptione firmavi. Acta feliciter Treuiris anno dominicae incarnationis DCCCCLXXXI indictione VIII regnante Ottone II Romanorum imperatore augusto. Signum benignissimi Ekeberti Treuirorum archiepiscopi, primatis et cancellarii Signum Luzonis prepositi eiusdem loci S. Ansgeri prepositi S. Adalmari prepositi S. Erkenberti decani S. Roberti archidiaconi S. Heremanni corepiscopi S. Gerardi corepiscopi S. Alsadi presbiteri S. Adalberti presbiteri S. Vdelrici presbiteri S. Martini diaconi S. Roberti subdiaconi S. Tlieoderici comitis S. Christiani comitis cognomento Vesani S. Regeneri rerum s. Mariae advocati S. Sigefridi comitis et rerum s. Maximini advocati S. Vdonis S. Dietfridi S. Luzonis S. Epportis S. Eberwini S. Burgizonis S. Alaframi S. Adalberti S. Megingaudi.