Der Erzbischof Egbert schenkt der Abtei S Matheis alle seine Güter in der Mark Langsur
Datierung: 978 08 09
In nomine sanctae et individuae trinitatis. Noverit omnium tam praesentium quam et futurorum fidelium nostrorum industria quod ego dei praeeunte gratia Egbertus sanctae Treuerensis ecclesiae archiepiscopus statum sanctae ecclesiae deique servicium corroborandum exoptans et aeternae retributionis premia precipue prospiciens quicquid in villa vel marca Langasura iuxta fluvium sura sita precessores mei utilitatis tenverunt et ego usque hodie possideo campis areis edificiis piscationibus pascuis viis inviis exitibus et reditibus ad s. Maternum cuius basilica ad aquilonem basilica s. Eucharii confessoris prope constructa est in integrum pro animae meae remedio restituens dono ca videlicet ratione ut a presenti die divini officii stabilitas vigilanti sollertia imperpetuum ibidem permaneat et omnibus horis nocturnis ante sanctum altare incensae lucernae lumen adesse perpetim non deficiat. Si qua vero persona hanc nostrae concessionis gratiam permutare seu istius conscriptionis paginulam tcmeraria potestate frangere umquam nisi cum communi fratrum ibidem deo militantium consensu temptaverit aut consimili concambio absolvat anathematis marnathe damnatione subditus vindicali a deo virga percussus imperpetuum luat et lugeat. Et ut firmius hec meae concessionis clemencia maneat istaque conscriptio mei sigilli impressione insigniri precepi. Data est anno dominicae incarnationis DCCCCLXXVIII indictione sexta sub die V. Idibus Augusti anno mei episcopatus III Actum. Treueris feliciter Amen.