Precarie Berlands und seiner Hausfrau Hiltwich mit der Abtei Prüm
Datierung: 971
Terrenae proprietatis portio que quemcumque hominem ex antecedentibus heredibus legitime contingit manifestum est publicam inde a domno licentiam tributam faciendi quicquid in oculis suis placitum optimumque videtur precipue si alicui domui dei velit tradere de quo etiam inmarcessibilem ac perhennem in celis recompensationem sibi procul dubio sciat reservandam qua de re compertum liquido pateat universali dei aecclesiae fidelium sublimatui ad nos scilicet Euerhardum prumiensis caenobii dei sola miserante gratia provisorem collegiumque fratrum nobis subiectorum in valuis domiciliis s salvtatoris quendam fidelem nostrum Berlandum nomine cum coniuge sua hiltuich accessisse ac ibidem nostram benignitatem sua sponte postulasse ut sibi nostro consensus licentiaque liceret quandam precariam facere de rebus suis videlicet ac nostris. Quam peticionem ubi nobis aptam conueuientemque ac successoribus nostris in posterum profuturam intelleximus unanimi fratrum permissu ac reliquorum fidelium nostrorum consilio promptissima voluntate mox ceu postulavit fieri decrevimus Tradidit autem prefatus Berlandus post eius ex hoc ergastulo migrationem ob nanciscendam a domino suorum diminutionem peccaminum specialiter ad servicium fratrum ac utilitatem s salvatori prumiae devote famulantibus iure perhenni proprietatis suae res hereditarias in villa uuachenuur denuncupata curtim dominicalem ecclcsiam molendinum cum omnibus ad ipsam curtim pertinentibus aquis ipsarumque cursibus pratis pascuis silvis ad haec etiam curtilem unum in villa flesheim cum tota integritate sua per omnia donationis inter terram aratam et inaratam iugera XXXVI Nos ei econtra in congruam sibi retributionem prestare decrevimus donec adviveret res nostras in villa etilintorph curtim dominicatam cum omnibus appendiciis suis pretecrmissis XIIII noctibus et angariis in autumno mansa in etilintroplt per omnia X dedimus ei etiam unoquoque anno vini carradas duas his rationis verbis ut utrumque suum videlicet et nostrum in omnibus quantumcumque optime posset meliorare studeret et aedificare ac fructificare et post eius iubente domino obitum integerrime ac inviolabiliter in nostra remeat totum. Si autem quod umquam evenire minime credendum est quispiam suasu diabolico deceptus apices huic cartae iussu nostro insertos eradere vel predictum predium post exitum supra memoratorum berlandi et coniugis suae hiltuich s salvatori eiusque servitoribus iniuste aufferre aut aliquot artis conamine fraudare molitus fuerit XL argenti libras pro hoc cogatur ad altare s salvatoris solvere et si id denvo nequiter presumpserit repetere nullo penitus precio valeat umquam conciliari sed pro tam nefario ausu non sit ei licitum superni arbitris iudicium evadere tremendum. Et ut in omne tempus posterum istud stabile et firmum permaneat et ab omnibus succedentibus inconvulsum nobilium atqua veracium testium in quorum prescntia haec sunt a nobis palam gesta nomina precipimus subtus fieri notata Signum berlandi et coniugis suae hiltuich qui hanc precariam fieri postulaverunt S. euerhardi abbatis qui eorum peticioni consensit S. hildrici prepositi s. euerhardi decarni s. stephani monachi Sigefrid Gerhard Stephan Vuernar Ofterad Hildrad Ricpodo Tancrad Waltker Sigemund Arnolf Rimiger Albric monachorum s. arperni advocati s. uolperti advocati s. lamberti laici s. hildradi s. lamberti laici s. iohannis laici s. reginboldi laici s. harperni I s. hucperti I. Actum est hoc in prumia anno incarnat. dom. DCCCULXXI indict. XIIII anno VIIII imperii ottonis pio christo regnante in secula amen.