Erzbischof Theoderich stellt die Kirche S Mariä zu einem Kloster des Benedictiner-Ordens wieder her und dotirt sie
Datierung: 973
In nominae sanctae et individuae trinitatis. Ego Theodericus divina providente clementia s. Treuerensis pastor aecclesiae quamvis indignus animadvertens ecclesiam gloriosae dei genitricis et virginis Mariae in ripa quae quondam ut referunt episcopali sede florvit nune adeo pessundatam cunctisque possessionibus denudatam quod nullum penitus regularis formae ibidem compareat vestigium! famulaturos in aevum virgini matri dei omnipotentis sanctoque Beato confessori monachos inibi constitui! eisque preficiens abbatem Deodatum, bene ut creditur futurae moralitatis et gratiae merito sic prenominatum cuius doctrina et moribus irrigata monasticae religionis novella plantaeio foveretur! eidem vere Deodato sibique successuris omni aevo abbatibus iure perpetuo tenendam claustro proximae adiacentem curiam cum suis appenditiis reconsignavi! eo videlicet modo ut preter abbatem eiusdem loci et fratres nulla omnino aecclesiastica terrenaeque dignitatis potentia quippiam iuris umquam a cottidianis claustri ministerialibus sive etiam aliis hominibus per villam commorantibus expetere ullatenus deberet. Tali etenim lege tenverat illam primitus eadem aecclesia! et si violenter ei subtracta fuerit ante mea tempora. Sunt autem haec appendicia XIV mansi III croadae stagnum uni croadae assidens! vineae quoque ex quibus una quae theutonicorum eloquio Ulca dicitur uno ambitu cum orto nutriendis holeribus ad coquinam fratrum deputato circumsepta simul clauditur, arecae plures cum banno in Mosella de s Remigio usque ad locum ubi rivulus ex civitate profluens Mosellae illabitur fructus etiam de transitu navis proveniens cum toto latere montis oppositi a vivario superius usque ad semitam, quae hadereyda dicitur et a littore usque in limitem qui arbusta secus verticem cacuminis transverberat fretus itaque exemplo quorundam predecessorum meorurn qui sua salubriter minvendo pia devotione quintas partes in aliquibus episcopii curris pro animabus sms quibusdam largiti sunt aecclesiis ego etiam ob salutem propriam et omnium successorum meorum licet sit modicum investituram aecclesiae in Yranch cum duabus partibus decimae tribusque mansis et dimidio! quintum quoque manipulum de croadis et iugeribus ibidem de silva qumtam arborem de porcis in silva pascentibus quintum quoque denarium! de venna etiam quintum piscem unam petituram et aliam quandam vineam cum quadam area iuxta aecclesiam. Quae omnia ex integro ad usus fratrum sacratissimae genitricis dei Mariae in prefata iam aecclesia famulantium necessarios donavi! sub eo quidem tenore ut homines tres illos quos dedi b. Mariae mansos et dimidium excolentes nulli hominum nisi abbati quippiam iuns de hisdem mansis in posterum persolvant Solidissima itaque banni mei confirmatione totaliter inhibeo! ne alicuiusmodi servicium de prememorato aelemosinae meae ac omnium successione canonica post me venientium donativo; scultetus vel aliquis scabinio sive alius de curia quicumque sit ille ab ecclesia extorquere aliquo modo presumat! Quatinus ego et omnes successuri per evum pontifices beneficiorum quae ibidem fient, in vigiliis in orationibus in ieiuniis et aelemosinis participes eternaliter maneamus Adieci quoque meis usibus comparatam de proprio curiam in Vilche cum V mansis et tribus partibus unius! croadas arbustum terram salicam! hec utique cum tanto integritatis iure quod ipse advocatus nichil aliud ibi facere nisi ter in anno placitum possidere ibi debeat. Abbas tamen vel nuntius suus placitum inbanniens! duas partes de satisfactionibus ad ecclesiam referat. Hiis ita constitutis bannoque meo publicae confirmatis orationis causa Romam peregrinatus venerabilem dominum papam Benedictum de stabilienda quoque conversatione monacha quam nuper inchoaueram paternae dignationis eius clementiam implorans adii qui post preces exauditas de thesauro bonae voluntatis ultro supererogans ob antiquae dignitatis memoriam tanta eiusdem loci abbatem gloria sublimandum decrevit ut absentis nonnunquam Treuirorum pontificis vicem ipse preseus agere prae ceteris abbatibus debeat. Eo autem cursum vitae huius permutante fratres ex eodem monasterio iuxta regulae venerabilis Benedicti monita! libere et canonice alium substituant. Quod si ibidem dignus quod absit non inveniatur aliunde qui fratribus et aecclesiae sit idoneus licenter eligatur. Si quis ergo econtra machinari quolibet ausu attemptavuerit! segregatus a regnis caelestibus per omnia tormentorum genera traductus in inferno eternaliter crucietur.
Data est haec sigillationis meae confirmatio! in maioris aecclesiae capitulo! ubi aderant hi testes: viri ecclesiastici Deodatus abbas prefati supra caenobii Luzo Ansgerus ambo prepositi Herkenbertus maioris aecclesie decanus Robertus archidiaconus Herimannus Geradus uterque corepiscopus. Aderant quoque isti secularcs viri Reinerus rerum s. Mariae advocatus Werinerus Astperno item Astperno Tiedo Embrico Tiezelin Woltcast Ozilo Wezel iterum Thiezelin anno pontificatus mei IX anno dominicae incarnationis DCCCCLXXIII indictione I imperante augusto a deo coronato Ottone II anno imperii sui V –